आँबुखैरेनीका चिकित्सकसहित थप ५ जनाले जिते कोरोना, तनहुँमा निको हुनेको संख्या १०० पुग्यो

किरण श्रेष्ठ बुधबार, २४ असार २०७७

२४ असार २०७७

किरण श्रेष्ठ, तनहुँ । तनहुँमा आज बुधबार (असार २४ गते) ५ जना कोरोना संक्रमित उपचारपछि आइसोलेसनबाट डिस्चार्ज भएका छन् । उनीहरु मध्ये ४ जना शुक्लागण्डकी स्थित जीपी कोइराला राष्ट्रिय स्वासप्रश्वास उपचार केन्द्रको आइसोलेसनमा उपचारत थिए ।

त्यसैगरी बुधबार कोरोना जितेर निको हुनेमा शुक्लागण्डकी नगरपालिकाका २ जना, घिरिङ गाउँपालिकाका २ जना र ऑबुखैरेनी गाउँपालिकाका १ जना रहेका छ्न ।

दुई हप्तासम्म आइसोलेसनमा बसेपछि बुधबार उनीहरुलाई घर पठाइएको जिल्ला स्वास्थ्य कार्यालय तनहुँका प्रमुख शंकरबाबु अधिकारीले जानकारी दिए ।

त्यसैगरी सोमबार (असार २२ गते) कोरोना जितेर घर फर्किनेहरुमा व्यास नगरपालिकाका ३ जना, ऋषिङ गाउँपालिकाका ६ जना र भानु नगरपालिकाका २ जना र शुक्लागण्डकी नगरपालिकाका १ जना रहेका छन् । उनिहरु व्यास नगरपालिका व्यास-३ स्थित क्रियापुत्री भवनमा निर्माण गरेको आइसोलेसनमा रहेका थिए ।

उक्त आऐसोलेसन १६ बेड क्षमताको रहेको छ । पछिल्लो पटकको पीसीआर रिपोर्ट नेगेटिभ आएपछि उनीहरुलाई डिस्चार्ज गरिएको आइसोलेसनमा कार्यरत अहेव महेन्द्र गौतमले जानकारी दिए ।

त्यस्तै मंगलबार (असार २३ गते) कोरोना जितेर घर फर्किनेहरुमा बन्दिपुर गाउँपालिकाका ११ जना, भिमाद नगरपालिकाका ४ जना, आबुखैरेनी गाउँपालिकाका २ जना र व्यास नगरपालिकाका १ जना रहेका छन् ।

तनहुँमा आइतबार (असार २१ गते) एकै दिन ३० जना कोरोना संक्रमित र २ जना कुरुवा (१४ कोरोना संक्रमित बालिकाका बुबा र आमा) गरी ३२ जना आइसोलेसनबाट डिस्चार्ज भएका थिए ।

जिल्लामा बुधबार (असार २४ गते) सम्म १ सय ४१ जनालाई कोरोना संक्रमण पुष्टि भएको छ । जसमध्ये तनहुँमा कोरोना जित्नेको संख्या १०० जना पुगेको छ ।

तनहुँकाे आँबुखैरेनी गाउँपालिका काेराेनामुक्त बन्न सफल भएकाे छ । आँबुखैरेनीस्थित एक अस्पतालका काेराेना सङ्क्रमित चिकित्सक बुधबार(असार २४ गते) निकाे भएसँगै गाउँपालिका काेराेनामुक्त भएकाे हाे । आँबुखैरेनी गाउँपालिकाका ४ जनामा काेराेना सङ्क्रमण भएकाे थियाे ।

तनहुँको कुन स्थानिय तहका कति जनाले जिते कोरोना ?

तनहुँमा कोरोना जितेर घर फर्किनेको संख्या १०० जना पुगेको छ । तनहुँको व्यास नगरपालिकाका ९ जना, भानु नगरपालिकाका ५ जना, शुक्लागण्डकी नगरपालिकाका ७ जना, ऋषिङ गाउँपालिकाका ३० जना, घिरिङ गाउँपालिकाका २४ जना, आँबुखैरेनी गाउँपालिकाका ४ जना र म्याग्दे गाउँपालिका ६ जना, बन्दिपुर गाउँपालिकाका ११ जना र भिमाद नगरपालिकाका ४ जना गरी १०० जनाले कोरोना जितेर निको भएर घर फर्किसकेको स्वास्थ्य कार्यालय तनहुँले जनाएको छ ।

तनहुँको कुन स्थानीय तहमा कति कोरोना संक्रमित ?

गत जेठ १८ गते तनहुँमा पहिलो संक्रमित भेटिएको थियो । यो अवधिमा जिल्लामा संक्रमितको संख्या १ सय ४१ जना पुगेको छ भने १०० जना निको भएर घर फर्किएका छन् ।

हालसम्म जिल्लाको व्यास नगरपालिकामा १७ जना, ऋषिङ गाउँपालिकामा ४२ जना, भानु नगरपालिकामा ७ जना, घिरिङ गाउँपालिकामा २६ जना, शुक्लागण्डकी नगरपालिकामा ९ जना, बन्दिपुर गाउँपालिकामा १९ जना, आबुखैरेनी गाउँपालिकामा ४ जना (लमजुङको बेशीसहर ठेगाना भई तनहुँको आबुँखैरेनीमा कार्यरत ३८ वर्षीय पुरुष), भिमाद नगरपालिकामा ६ जना, म्याग्दे गाउँपालिका १० जना र देवघाट गाउँपालिकामा १ जनामा कोरोना संक्रमण पुष्टि भएको छ ।

गण्डकी प्रदेशको अग्रणी अनलाइन गण्डक न्यूज विभिन्न प्लाटफर्ममा उपलब्ध छन्। सामाजिक सञ्जालहरूमा हाम्रो च्यानल सब्स्क्राइब गर्न यहाँ क्लिक गर्नुहोस्। जहाँ तपाईँ फेसबुक, ट्विटर, इन्स्टाग्राम, यूट्युब लगायतमा पनि हाम्रा सामाग्री हेर्न सक्नुहुन्छ। नयाँ खबर थाहा पाउनका लागि गण्डक न्यूज र हाम्रो अर्को आधिकारिक वेबसाइट गण्डकी न्यूज भिजिट गर्दै गर्नुहोला। साथै, माथि समाचार पढेपछि तपाईँको प्रतिक्रिया के छ? व्यक्त गर्नुहोला।

आँबुखैरेनीका चिकित्सकसहित थप ५ जनाले जिते कोरोना, तनहुँमा निको हुनेको संख्या १०० पुग्यो

आँबुखैरेनीका चिकित्सकसहित थप ५ जनाले जिते कोरोना, तनहुँमा निको हुनेको संख्या १०० पुग्यो

यो पनि:

प्रतिक्रिया

लेखकको बारेमा

सम्बन्धित खबर

यो पनि पढौँ

भर्खरै

ट्रेन्डिङ

छुटाउनुभयो कि?