तनहुँ । तनहुँका थप ९ जनामा कोरोना पुष्टि भएको छ । स्वास्थ्य निर्देशनालय गण्डकीका अनुसार तनहुँको म्याग्दे गाउँपालिकाका ७ जना पुरुष र २ जना महिलामा बिहिबार कोरोना संक्रमण पुष्टि भएको हो ।
तनहुँको म्याग्दे गाउँपालिका ३१, ४४, २२, ५३, ४५, २० र २९ वर्षका पुरुष त्यस्तै २३ र ३४ वर्षका महिलामा संक्रमण पुष्टि भएको हो ।
उनीहरु सबै गाउँपालिकाले बनाएको क्वारेन्टाइनमा रहेको र आइसोलेसनमा पठाउने तयारी भईरहेको म्याग्दे गाउँपालिकाले जनाएको छ ।
म्याग्दे गाउँपालिकाको वडा नम्बर ७ स्थित ३ वटा क्वारेन्टाइनमा बसेकाहरुमा आज बिहिबार एकैदिन संक्रमण पुष्टि भएको हो ।
म्याग्दे-७ स्थित जनता आधारभूत विद्यालयको क्वारेन्टाइनका ६ जना, मिलिजुली आधारभूतका २ जना र सरस्वती आधारभूतका १ जना गरि कुल ९ जनामा कोरोना संक्रमण पुष्टि भाएको गाउँपालिकाका स्वास्थ्य शाखा प्रमुख तिलकराज घिमिरेले जानकारी दिए ।
उनीहरु सबै संक्रमित भारतबाट फर्किएका हुन् । गत असार ४ गते उनीहरुको थ्रोट स्वाब लिइएको थियो । तनहुँको म्याग्दे गाउँपालिकामा पहिलो पटक संक्रमण देखिएको हो ।
आज पुष्टि भएका कोरोना संक्रमितलाई दमौलीको आदिकवि भानुभक्त क्याम्पसको आइसोलेसनमा राख्ने तयारी गरिएको स्वास्थ्य शाखा प्रमुख घिमिरेले जानकारी दिए ।
‘हामि संक्रमितहरु लाई लिन जादै छौ ।’ प्रमुख घिमिरेले भने ‘सबैलाई दमौलीको आइसोलेसनमा लैजाने तयारी हुदैछ ।’
योसंगै तनहुँमा संक्रमितको संख्या १ सय पुगेको छ । जसमध्ये ९ जना निको भएर घर फर्किसकेका छ्न ।
तनहुँको कुन स्थानीय तहमा कति कोरोना संक्रमित ?
गत जेठ १८ गते तनहुँमा पहिलो संक्रमित भेटिएको थियो । यो अवधिमा जिल्लामा संक्रमितको संख्या १०० जना पुगेको छ भने ९ जना निको भएर घर फर्किएका छन् ।
हालसम्म जिल्लाको व्यास नगरपालिकामा ८ जना, ऋषिङ गाउँपालिकामा ३२ जना, भानु नगरपालिकामा ४ जना, घिरिङ गाउँपालिकामा २५ जना, शुक्लागण्डकी नगरपालिकामा ५ जना, बन्दिपुर गाउँपालिकामा १० जना, आबुखैरेनी गाउँपालिकामा ३ जना, भिमाद नगरपालिकामा ३ जना, देवघाट गाउँपालिकामा १ जना र म्याग्दे गाउँपालिका ९ जनामा कोरोना संक्रमण पुष्टि भएको छ ।
सम्बन्धित खबर
संघीय कानुनसँग बाझिएपछि गण्डकी प्रदेश प्रमुख भट्टले प्रमाणीकरण नगरी फिर्ता गरे गाँजा विधेयक
कालीगण्डकी गाउँपालिकामा ३ सन्तान जन्माउने १७ परिवारलाई मासिक चार हजार रुपैयाँ
पोखरामा पर्यटकबसको ठक्करबाट पैदलयात्रीको मृत्यु
मालढुंगा–बेनी सडकमा पहिरो खस्दा मोटरसाइकल पुरियो, चालक गम्भीर घाइते
तनहुँको छिर्कनेमा हाईस दुर्घटना, ८ जना घाइते
पुष्पलाल स्मृति दिवसमा ८२ पिन्ट रक्तदान
यो पनि पढौँ
पोखरामा पर्यटकबसको ठक्करबाट पैदलयात्रीको मृत्यु
गाडीभित्रै सिट बेल्ट बाँधेर सुरेशचन्द्र श्रेष्ठले आत्मदाह गरेको अनुसन्धान निष्कर्ष
पोखरामा शृंखलाबद्ध चोरी: भारतीय प्रत्यक्ष चोरीमा संलग्न, चिनियाँले ‘रेकी’ गर्ने र नेपालीले घर देखाउने
संघीय कानुनसँग बाझिएपछि गण्डकी प्रदेश प्रमुख भट्टले प्रमाणीकरण नगरी फिर्ता गरे गाँजा विधेयक