तनहुँका एक वर्षीय बालकसहित ६ जनाले जिते कोरोना, निको भएर घर फर्किनेको संख्या तनहुँमा १६ पुग्यो

किरण श्रेष्ठ शनिबार, १३ असार २०७७

Corona Jitera Discharge Rishing Tanahaun

१३ असार २०७७

किरण श्रेष्ठ, तनहुँ । तनहुँका एक वर्षीय बालकसहित ६ जनाले कोरोनालाई जितेका छ्न । तनहुँको शुक्लागण्डकी नगरपालिकाको बेलचौतरामा रहेको जीपी कोईराला राष्ट्रिय श्वासप्रश्वास उपचार केन्द्रको आईसोलेसनमा रहेका १ वर्षीय बालकसहित ६ जना कोरोना संक्रमितको पछिल्लो रिपोर्ट नेगेटिभ आएको हो ।

निको भएका ६ जना मध्य ५ जनालाई शनिबार साँझ अस्पतालको आइसोलेसनबाट डिस्चार्ज गरिएको अस्पतालमा निमित्त कार्यकारी निर्देशक डा.राम कुमार श्रेष्ठले बताए ।

शनिबार कोरोना जितेर आइसोलेसनाबाट डिस्चार्ज हुनेमा तनहुँको ऋषिङ गाँउपालिकाका एक वर्षीय बालक, बालकका बुबा २८ वर्षीय पुरुष, बालकका आमा २५ वर्षिया महिला रहेका छन् ।

उनिहरु ऋषिङ गाँउपालिका-६ का हुन् । त्यस्तै ऋषिङ गाँउपालिका-७ का २० वर्षीय पुरुष पनि शनिबार नै डिस्चार्ज भएका छन् ।

त्यसैगरी शनिबार साँझ शुक्लागण्डकी नगरपालिकाका वडा नम्बर ९ का २२ वर्षीय पुरुष पनि शनिबार साँझ कोरोना जितेर घर फर्किएका छन् ।

त्यस्तै घिरिङ गाउँपालिका-१ का २६ वर्षीय पुरुषले पनि कोरोना जितेका छ्न । उनि भने आज बिहान आइसोलेसनबाट घर फर्किदै छन ।

योसँगै तनहुँका कोरोना जितेर निको हुनेको संख्या १६ जना पुगेको छ । त्यस्तै जिल्लामा कोरोना संक्रमितको संख्या १०८ जना पुगेको छ ।

तनहुँको कुन स्थानीय तहमा कति कोरोना संक्रमित ?

गत जेठ १८ गते तनहुँमा पहिलो संक्रमित भेटिएको थियो । यो अवधिमा जिल्लामा संक्रमितको संख्या १०८ जना पुगेको छ भने १६ जना निको भएर घर फर्किएका छन् ।

हालसम्म जिल्लाको व्यास नगरपालिकामा ११ जना, ऋषिङ गाउँपालिकामा ३२ जना, भानु नगरपालिकामा ७ जना, घिरिङ गाउँपालिकामा २५ जना, शुक्लागण्डकी नगरपालिकामा ७ जना, बन्दिपुर गाउँपालिकामा १० जना, आबुखैरेनी गाउँपालिकामा ३ जना, भिमाद नगरपालिकामा ३ जना, देवघाट गाउँपालिकामा १ जना र म्याग्दे गाउँपालिका ९ जनामा कोरोना संक्रमण पुष्टि भएको छ ।

गण्डकी प्रदेशको अग्रणी अनलाइन गण्डक न्यूज विभिन्न प्लाटफर्ममा उपलब्ध छन्। सामाजिक सञ्जालहरूमा हाम्रो च्यानल सब्स्क्राइब गर्न यहाँ क्लिक गर्नुहोस्। जहाँ तपाईँ फेसबुक, ट्विटर, इन्स्टाग्राम, यूट्युब लगायतमा पनि हाम्रा सामाग्री हेर्न सक्नुहुन्छ। नयाँ खबर थाहा पाउनका लागि गण्डक न्यूज र हाम्रो अर्को आधिकारिक वेबसाइट गण्डकी न्यूज भिजिट गर्दै गर्नुहोला। साथै, माथि समाचार पढेपछि तपाईँको प्रतिक्रिया के छ? व्यक्त गर्नुहोला।

तनहुँका एक वर्षीय बालकसहित ६ जनाले जिते कोरोना, निको भएर घर फर्किनेको संख्या तनहुँमा १६ पुग्यो

तनहुँका एक वर्षीय बालकसहित ६ जनाले जिते कोरोना, निको भएर घर फर्किनेको संख्या तनहुँमा १६ पुग्यो

यो पनि:

प्रतिक्रिया

लेखकको बारेमा

सम्बन्धित खबर

यो पनि पढौँ

भर्खरै

ट्रेन्डिङ

छुटाउनुभयो कि?