नेपाल पत्रकार महासंघ कास्कीमा लगाइएको ताला आइतबार खोलिएको छ । समाचार लेखेकै कारण पत्रकारलाई धम्की आउँदा पनि महासंघ नेतृत्व पीडकको संरक्षणमा लागेको भन्दै शनिबार महासंघको गेटमा ताला लगाइएको थियो ।

एमाले निकट पत्रकारहरूको संगठन प्रेस चौतारी नेपाल, कास्कीले शनिबार महासंघमा ताला लगाएको थियो । महासंघले आगामी दिनमा यस्ता घटनामा अभिभावक बनेर पहलकदमी गर्ने बताएपछि ताला खोल्न सहमति जुटेको संगठनका संयोजक अर्जुन गिरीले बताए ।

उनले विज्ञप्ति जारी गर्दै भनेका छन्ः

गत ६ साउनमा गण्डकन्यूजसँगै पोखरा न्यूजले पोखरा–११ काहुँको एक विद्यालयले सरकारी अनुदानको पुस्तक फर्जी बिल लिएर बेचिरहेको समाचार प्रकाशन गरेका थिए । गण्डक न्यूजका रञ्जन अधिकारी र पोखरा न्यूजका गणेश बरालको बाइलाइनमा उक्त समाचार छापिएको थियो ।

समाचारमा असन्तुष्टि जनाउँदै विद्यालयकी प्रअ निर्मला मानन्धरका श्रीमान् बताउने श्रीकृष्ण श्रेष्ठले गण्डक न्यूजका अधिकारीलाई धम्कीपूर्ण फोन, म्यासेज गरेका थिए । आफूलाई धम्की आएको मौखिक जानकारी गराउँदा पनि पत्रकार महासंघले पीडकलाई कानुनी कारबाहीका लागि पहल गरेन । पीडक पक्षले उल्टै मुख्यमन्त्री, सत्तासीन पार्टी काँग्रेसको पावरको धाक लगाउँदै प्रहरीलाई हप्तादिनसम्म दबाब प्रभावमा राखेको थियो ।

यही आशंकालाई बल पुग्ने गरी महासंघ अध्यक्ष बिमला भण्डारी धम्कीपूर्ण म्यासेज पठाउने श्रेष्ठलाई महासंघमा भेटी जिल्ला प्रहरी कार्यालय सँगै लिएर पुगेपछि पत्रकारद्वय अधिकारी र बराल असन्तुष्ट थिए । त्यसपछि प्रेस चौतारी प्रतिवादमा उत्रिएको हो ।

पीडक श्रेष्ठ छुटे, सुवेदीलाई साइबर अपराधको मुद्दा चलाइने

चौतारी आक्रमक प्रस्तुत भएपछि कास्की प्रहरीले धम्की दिने श्रेष्ठलाई शनिबार नियन्त्रणमा लिएको थियो । धम्की दिने श्रेष्ठ एकदिन प्रहरी हिरासतमा बसेर आइतबार छुटेका छन् । पीडक श्रेष्ठले आफूबाट गल्ती भएको महसुस गरी क्षमायाचना गरेपछि पुनः नदोहोरिने शर्तमा अधिकारीले माफी दिएर छुटाएका थिए ।

दुई अनलाइनको नाम नै लिएर समाचारको खण्डन गर्न उत्रिएका आफूलाई पत्रकार बताउने सफल सुवेदीलाई भने साइबर क्राइममा प्रक्रिया अगाडि बढाइने भएको छ । दर्ता नै नभएको अनलाइन www.reporterseven.com को नामको अफिसियल फेसबुक पेज र युट्युब च्यानलबाट सुवेदीले ३१ मिनेटको भिडियो सार्वजनिक गरेका थिए । जहाँ व्यवसायिक पत्रकार रञ्जन अधिकारीलाई नामै किटेर चरित्र हत्या गरिएको थियो । पछि आफूलाई कानुनी प्रक्रियामा तान्न खोजेको बुझेपछि सुवेदीले भिडियो हटाएका थिए ।

खण्डन गर्न प्रयोग भएको अनलाइन दर्ता नभएको जानकारी प्रेस काउन्सिलबाट आएको र भिडियोमा मानहानी गरेकाले सुवेदीलाई कानुनी दायरामा ल्याइने पत्रकार गणेश बरालले बताए । सोमबारदेखि कानुनी प्रक्रिया सुरु गरिने बरालले जनाए ।

सम्बन्धित समाचारः

श्रीमती प्रअ रहेको विद्यालयबारे समाचार लेख्नेलाई धम्की दिने श्रेष्ठ प्रहरी नियन्त्रणमा
एक हप्तासम्म झुलायो प्रहरीले

…

काहुँको कालिका माविमा व्यापार: सरकारी अनुदान लिने, निःशुल्क किताब फर्जी बिल भिडाउँदै बेच्ने [भिडियो]

काहुँको कालिका माविलाई शिक्षा महाशाखाको निर्देशनः तुरुन्त रकम फिर्ता गर्नू

समाचारको विषयमा पत्रकार अधिकारीलाई धम्काइएकोमा प्रेस चौतारीको आपत्ति, मुख्यमन्त्रीको मान्छे हुँ भन्दै धम्की !

पत्रकार अधिकारीमाथि धम्की आएकोमा अनलाइन पत्रकार संघको ध्यानाकर्षण

पत्रकार अधिकारीलाई धम्की स्वतन्त्र प्रेसमाथि आक्रमण रहेको प्रेस युनियन कास्कीको ठहर

पत्रकार अधिकारीलाई धम्की दिनेलाई तत्काल कानुनी कारबाही गर्न पत्रकार महासंघ कास्कीको माग 

पत्रकार महासंघमा तालाबन्दी, पत्रकार अधिकारीलाई धम्की दिनेलाई कारबाही नभएसम्म नखोलिने

पत्रकारलाई धम्की दिनु प्रेस स्वतन्त्रता विरोधी काम: पत्रकार महासंघ गण्डकी

खेलकुद पत्रकार गण्डकीका उपाध्यक्ष अधिकारीलाई धम्की दिएकोमा मञ्चको ध्यानाकर्षण

पत्रकार अधिकारीमाथिको धम्की स्वतन्त्र प्रेसमाथिको आक्रमणः प्रेस संगठन कास्की