गण्डक न्युज, पोखरा । फेवातालमा पोखरा महानगरपालिका २२ पुम्दीभुम्दीकी सुस्मिता लामिछानेको शव भेटिएको छ । उनको शव सोमबार बिहान १० बजे रेस्क्यु टोलीले तालबाट बाहिर निकालेको हो ।
आइतबार दिउँसो घरबाट निस्किएकी १६ वर्षीया सुस्मिता मध्येरात १२ बजेसम्म परिवारसँग फोन सम्पर्कमै थिईन् । फेवातालको ड्यामसाइडमा उनको मोबाइल र ब्याग फेला परेपछि तालमै हाम्फालेको आशंकामा उनको बिहानैदेखि खोजी सुरु गरिएको वडा प्रहरी कार्यालय बैदामका प्रमुख डिएसपी नविन कार्कीले जानकारी दिए ।
‘परिवारसँग १२ बजेसम्मै फोन भएको देखियो । ११ बजे राति ड्यामसाइडमा एउटी केटी यताउति हिँडिरहेको नजिकैका घरतिरका मान्छेले पनि बताएका छन् ।’ डिएसपी कार्कीले भने– ‘यसैको आधारमा खोजी गर्दा १० बजेमात्रै उनको शव भेटियो ।’
साथीको घरमा जान्छु भनी घरबाट हिँडेकी उनको झोला र मोबाईल बिहान ड्यामसाइड पार्कमा भेटिएको हो । उनले राति साढे १० बजेको समयमा आफ्नो घरमा आमालाई र छिमेकी एक जनालाई म्यासेज गरेको बताईएको छ ।
अपरान्ह साढे ४ बजेतिर उनी घरबाट निस्किएको र फोनमा आफू फर्कन पनि सक्ने, नफर्किने जस्ता कुरा गरेको परिवारलाई उद्दृत गर्दै प्रहरीले जनाएको छ । सुस्मिता छोरेपाटन माविमा कक्षा १० मा अध्ययनरत थिईन् । सुस्मिताले पछिल्लो समय औषधि सेवन गर्दै थिईन् ।
उनका बुबा दुर्गादत्त लामिछाने हाल वैदेशिक रोजगारीको क्रममा युएइमा छन् । घटनाको बारेमा थप अनुसन्धान भईरहेको प्रहरीले जनाएको छ ।
यसअघि, ड्यामसाइड तल तालमा पोखरा रत्नचोक स्थित सबलाइम बोर्डिङ स्कुलमा अध्ययनरत १८ वर्षीया दीपा कुँवरले स्कुल ड्रेसमै ज्यान फालेकी थिईन् । भदौ २ गते स्याङ्जा पुतलीबजार नगरपालिका अरौदी घर भएकी कक्षा ११ मा म्यानेजमेन्ट अध्ययनरत १८ वर्षिया कुंवरले विद्यालय पोशाकमै फेवाताल बाँध मुनि रहेको बोक्सी रहमा हाम फालेर आत्महत्या गरेकी हुन् । आइडी कार्ड, माला, घडी र २० रुपैंया छाडेर उनी हाम्फालेकी हुन् ।
त्यही ठाउँमा साउन २३ यता २ जना पौडी खेल्दा बगेर बेपत्ता छन् । यसअघि पनि एक जनाको शव सोहि क्षेत्रमा भेटियो । हुन् । २० दिनभित्रै ५ जनाको ज्यान सो वरिपरि गईसकेको छ ।
तस्विर: मन गुरुङ
सम्बन्धित समाचारहरु
सम्बन्धित खबर
नेपालमै पहिलो पटक पोखरामा इन्टरनेशनल बलुन फेस्टिभल हुने
कास्की जिल्ला शुटिङ संघको अध्यक्षमा राजु श्रेष्ठ
रूपा रिङरोड दोस्रो खण्डको शिलान्यास, ४७ करोडमा बन्ने
हिसान कास्की अध्यक्षमा हिल पोइन्टका दिवाकर, सचिवमा प्रतिभाका किरण
गण्डकीका भौतिक पूर्वाधार मन्त्री केसीले गरे चौर अम्बोट झोलुङ्गे पुलको उद्घाटन
शान्ति निकेतनका विद्यार्थीले मनाए विज्ञान दिवस
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग