तनहुँ घिरिङका ५ जना पुरुषमा कोरोना पुष्टि, तनहुँमा संक्रमितको संख्या ९ पुग्यो

किरण श्रेष्ठ सोमबार, १ असार २०७७

१ असार २०७७

तनहुँ । तनहुँको घिरिङ गाउँपालिकाका ५ जना पुरुषमा कोरोना संक्रमण पुष्टि भएको छ । घिरिङ गाउँपालिका स्थायी ठेगाना भई सोहि गाउँपालिकाको क्वारेन्टाइनमा रहेका वर्ष ४५, २२, २७, २७, र ४६ का ५ जना पुरुषहरुमा कोरोना संक्रमणको पुष्टि भएको छ ।

उनिहरुलाई तनहुँको शुक्लागण्डकी नगरपालिकामा रहेको जी.पी. कोइराला राष्ट्रिय श्वासप्रश्वास उपचार केन्द्रको आईसोलेसन कक्षमा ल्याईएको स्वास्थ्य निर्देशनालय गण्डकीले जनाएको छ ।

यो संगै तनहुँमा कोरोना संक्रमितको संख्या ९ पुगेको छ ।

यसअघि घिरिङ कै एक जना पुरुष र ऋषिङ गाउँपालिकाको ३ जना भारतबाट आएका पुरुषहरूमा संक्रमण पुष्टि भएको थियो ।

सबै संक्रमितको उपचार जी.पी. कोइराला राष्ट्रिय श्वासप्रश्वास उपचार केन्द्रको आईसोलेसन कक्षमा भईरहेको र सबैको अवस्था सामान्य रहेको जिल्ला स्वास्थ्य कार्यालय तनहुँका प्रमुख शंकरबाबु अधिकारीले जानकारी दिए ।

यो संगै गण्डकी प्रदेशमा कोरोना संक्रमितको संख्या २०४ पुगेको स्वास्थ्य निर्देशनालय गण्डकीले जनाएको छ ।