दाह्री ग्याङ, पोखराले वार्षिक नियमित कार्यक्रम अन्तर्गत गरेको रक्तदानमा १ सय जनाले रगत दान गरेका छन् । ‘आज अरुका लागि, भोलि आफ्नै लागि’ भन्ने नाराका साथ दाह्री ग्याङ, पोखराले यस वर्ष पनि रक्तदान कार्यक्रम आयोजना गरेको हो ।

यो नियमित पाँचौ कार्यक्रम हो । आवश्यक परेका बखत ३ पटक आकस्मिक रक्तदान कार्यक्रम ग्याङले गरिसकेको छ । यस्तै, बिरामीहरुलाई तत्काल चाहिएको अवस्थामा पनि दाह्री ग्याङका सदस्यहरु तत्काल अस्पताल वा रक्तसञ्चार केन्द्र पुगी रक्तदान गर्दै आएका छन् ।

पोखराको केदारेश्वर मन्दिर परिसरमा आयोजित कार्यक्रममा प्रमुख आमन्त्रित व्यक्तित्व एवं संस्थापक अध्यक्ष शेखर गौतमले आफै रगत दान गरी कार्यक्रम शुभारम्भ गरेका थिए । गौतमको यो ३३ औं पटक रक्तदान हो । गौतमले पोखरामा धेरै युनिट रगत संकलनमा दाह्री ग्याङ अग्रपंक्तिमा रहेको बताए । निरन्तर सामाजिक कार्यमा सक्रिय भएकोमा समूहलाई उनले धन्यवाद समेत व्यक्त गरे ।

त्यस्तै, दाह्री ग्याङ पोखराका अध्यक्ष अभिमन्यु पाण्डे (बिक्रम) ले वार्षिक क्यालेण्डर अन्तरगतकै कार्यक्रम रहेको र पूर्ण स्वास्थ्य मापदण्ड अपनाउँदै सामाजिक दूरी कायम गरी आयोजना गरिएको बताए । पोखरामा रगत अभावलाई परिपूर्ति गर्न समेत यो कार्यक्रम आयोजना गरिएको उनको भनाई थियो । पाण्डेले भने– ‘रगतको अभाव भएकाले सामाजिक उत्तरदायित्व वहन गर्दै हामीले सामाजिक दूरी कायम गरी रक्तदान कार्यक्रम आयोजना गरेका हौं । उल्लेख्य सहभागिता भयो, सबैप्रति आभार व्यक्त गर्दछु ।’

दाह्री ग्याङमा रही सामाजिक कार्यमा सक्रिय रहने सदस्यहरुलाई परिचय पत्र वितरणको काम समेत सुरु भएको छ । ईच्छुक सक्रिय सदस्यहरुले परिचयपत्र प्राप्त गर्नेछन् । दर्जनौंले परिचयपत्र लिए । अध्यक्ष पाण्डेका अनुुसार परिचय पत्र वितरण कायलाई निरन्तरता दिइनेछ । कार्यक्रमको सञ्चालन सुवास आचार्यले गरेका थिए । क्षेत्रीय रक्तसञ्चार केन्द्रको प्राविधिक सहयोग रहेको कार्यक्रममा महिलाहरु, सुरक्षाकर्मीहरुले पनि रगत दान गरेका थिए ।

दाह्री ग्याङ, पोखरासँग सम्बन्धित समाचारहरुः

दोहोरो धर्मः ‘मन्दिरमा पूजाआराधाना, गेटमा रक्तदान’ (फोटो फिचर)

पोखराका दाह्री युवाहरुको ‘युवा दिवस’ मा गज्जब कार्यक्रम, २०१ युनिट रक्त संकलन (फोटो फिचर)

पोखरामा दाह्री ग्याङ र स्वयंसेवी रक्तदाताको रक्तदान कार्यक्रम: १२० युनिट संकलन (फोटो फिचर)

पोखरामा रगत अभावः दाह्री ग्याङले गर्यो आकस्मिक रक्तदान, १३६ युनिट रगत संकलन (फोटो फिचर)

दाह्री ग्याङको ५ औं वार्षिकोत्सवमा पोखराका ५ नाका र चोकहरुमा फहराइयो राष्ट्रिय झण्डा

फेवाताल सफाईमा यसरी जुट्यो ‘दाह्री ग्याङ’ (हेर्नुहोस् फोटो/भिडियो)

पोखराको पोल पोलमा ‘दाह्री ग्याङ’

दारी ग्याङको तेस्रो वार्षिकोत्सव पोखरामा यसरी मनाइयो (फोटो फिचर)

‘दाह्री ग्याङ’ दोस्रो वर्ष पूरा, रगत खोज्ने Mobile App DG Donor लञ्च, जिल्ला-जिल्लामा के भए ?

दाह्री ग्याङ पोखराद्वारा शहिद पार्कमा दीप प्रज्वलन

दाह्री ग्याङ पोखराको संयोजकमा पाण्डे र सहसंयोजकमा मिश्र

मिस्टर दारी बन्ने अवसरः पोखरामा साउन २८ गते अडिसन