किरण श्रेष्ठ, तनहुँ । तनहुँको बन्दिपुर-१ नाहालामा भासिएको पक्कि सडकको मर्मत भईरहेको छ । पृथ्वी राजमार्गमा पर्ने उक्त सडक गत मंगलबार भासिएको थियो ।

गत आइतबारदेखि परेको अविरल वर्षाका कारण गत मंगलबार उक्त स्थानमा सडक भासिएको थियो । भासिएको सडक अझै सञ्‍चालनमा आउन सकेको छैन । मंगलबार भाँसिएको सडक मर्मत नसकिँदा राजमार्ग सुचारु हुन नसकेको हो ।

सडकको तल फ़ुटेको पानि कटाउन ह्युम पाइप राखेर कटाउनुपर्ने भएपनि सो अनुसार काम नभएको बन्दिपुर-१ का वडाअध्यक्ष भानुभक्त पोख्रेलले बताए ।

सडक मर्मतको काम भईरहेको छ तर सोचे अनुरुपको इञ्जिनियरिङ्ग भएको देखिदैन वडाअध्यक्ष भानुभक्त पोख्रेलले जानकारी दिए ।

‘मूलको पानि कटाउन प्लास्टिकको कालो पाइप हालिएको छ । वडाअध्यक्ष पोख्रेलले भने ‘त्यहाँ ह्युम पाइप हाल्नुपर्ने हो तर हालिएको छैन ।’

अहिलेसम्म ग्याबिन जालिको काम आधा मात्र भएको र ग्राभेलको काम भईरहेको वडाअध्यक्ष पोख्रेलले बताए । अहिले तत्कालका लागि होला तर दिर्घकालिन समाधान भने नभएको वडाअध्यक्ष पोख्रेलले बताए ।

सो विषयमा बुझ्न सडक डिभिजन कार्यालय दमौलीमा गण्डकन्युजले पटक-पटक सम्पर्क गर्दा इन्जिनियरको मोबाइल अफ रहेको थियो ।

आज शनिबार सडक पुरै बन्द गरेर आज राति सम्ममा सडक सुचारु गर्ने गरी काम भईरहेको सहायक प्रमुख जिल्ला अधिकारी चित्राङ्गत बरालले जानकारी दिए ।

‘अत्यावश्यक सवारीका लागी बैकल्पिक सडकमार्फत आवतजावतको व्यवस्था मिलाएका छौ ।’ सहायक प्रजिअ बरालले भने ‘आज राति १० बजेसम्म भएपनि बाटो खुलाउने गरी काम भईरहेको छ ।’ उक्त सडक नेपाली सेना, सशस्त्र प्रहरी, जनपथ लगाएतले मर्मतको काम गरिरहेका छन ।

सडक पुर्ण मर्मत गर्नको लागि सडक पुर्णरुपमा बन्द गरिएको जिल्ला ट्राफिक कार्यालय तनहुँका प्रमुख रेशम रानाभाटले बताए ।

‘एम्बुलेन्स र भिआईपी बाहेक अन्य सवारी पास हुदैन । प्रमुख रानाभाटले भने ‘सडक मर्मतको काम भई रहेको छ, काम सकिए सडक सुचारु हुन्छ नत्र हुँदैन ।’

बैकल्पिक बाटो अत्यावश्यक प्रयोजनका लागि मात्रै प्रयोग भएको प्रमुख रानाभाटले जानकारी दिए । जिल्लाको आँबुखैरेनी, डुम्रे, घाँसीकुवा, दमौलीमा सवारी साधान रोकेर सडक निर्माण कार्यलाई सहज बनाइएको जिल्ला ट्राफिक कार्यालयले जनाएको छ । राजमार्ग अवरुद्ध हुँदा धेरै सवारी साधान अलपत्र परेका छन् ।

उक्त भासिएको सडकको कुनापट्टि ग्राभेल बिना डाईभर्सन बनाएर सबै खाले सवारी साधन संचालन गरिएको थियो तर मालबहाक सवारी फस्ने गरेपछि शनिबार सडक मर्मत गरिएको हो ।

गत बिहिबार साँझ ठुलो सवारीले उक्त डाईभर्सन अप्ठ्यारो (हिलो) भएको भन्दै सडकको तलबाट अर्को बाटो प्रयोग गर्दा स्थानियले आफ्नो घर जोखिम परेको भन्दै बाटो अबरुद्द समेत गरेका थिए ।

यो पनि :

तनहुँको नाहालामा भासिएको सडक मर्मत हुँदै: एम्बुलेन्स बाहेक अन्य सवारी पास नहुने

तनहुँको नाहालामा बनाइएको डाईभर्सनमा मालवाहक ट्रक फस्यो: पृथ्वी राजमार्ग फेरी अवरुद्ध (फोटो/भिडियो सहित)

तनहुँको नाहालामा डाईभर्सन बनाएर अवरुद्ध पृथ्वी राजमार्गको एकतर्फी बाटो खुलाइयो (अपडेट)

तनहुँको नाहालामा पक्की सडक भासिँदा पृथ्वीराजमार्ग अवरुद्ध: मर्मत हुँदै, सुचारु हुन १ घण्टा लाग्ने