गण्डक न्युज । प्रदेश नं. ४ को मुख्य मन्त्री कार्यालय अगाडि र भुसंरक्षण कार्यालय अगाडि सडकमा राखिएको काँडेतार हटाइएको छ । यो हटाउन नागरिक अभियन्ताको खबरदारीबारे गण्डकन्युजले समाचार प्रकाशित गरेको थियो ।
नागरिक अभियन्ता रामबहादुर पौडेल, अर्जुन भण्डारी लगायतले निरन्तर आग्रह गरेका थिए ।
बुधबार दिउँसो उनीहरु प्रदेश प्रहरी प्रमुख डिआईजी दानसिंह बोहोरालाई भेटेर हटाउन आग्रह गरेका थिए । डिआईजी बोहोराले तुरुन्त कार्यक्षेत्र रहेको वडा प्रहरी कार्यालय बैदामका प्रमुख डिएसपी नविन कार्कीलाई हटाउन आदेश दिए । तुरुन्त काँडेतार हट्यो ।
‘आफ्नै कार्यालय अगाडि काँडेतार लगाएको प्रदेश प्रहरी प्रमुखलाई थाहा छैन । उहाँले मुख्यमन्त्रीसँग यस विषयमा कुरा गर्न चाहनुभयो । तर मुख्यमन्त्री बुधबार बैठकमा हुनुहुन्थ्यो । पछि निस्कने बेला वडा प्रहरीलाई हटाउन भन्नुभयो । ’ श्रोतले भन्यो – ‘ हट्यो तर फेरि राखिएछ । डिआईजीलाई नै मनोबल गिर्ने गरी दबाब दिने काम भएको छ ।
डिआईजीले हटाएपनि प्रमुख सचिवस्तरीय आदेशले फेरि काँडेतार राखियो । बुधबार राति साढे ७ बजे त्यही काँडेतारका कारण झ्याप्प ब्रेक लगाउँदा पोखरा विन्ध्यवासिनीका मनोज घिमिरे दुर्घटनामा परे । विहीबार अपरान्हदेखि मुख्यमन्त्री कार्यालय अगाडिको सडक साना सवारी पास हुने गरी खोलिएको छ भने विहीबार रातिदेखि नै भुसंरक्षण कार्यालय अगाडिको सडक खोलिएको छ । डिआईजी दानसिंह बोहोरासँग यस विषयमा कुरा गर्दा सुरक्षाको विषयमा आफूहरु गम्भिर रहेको बताए ।
उनले गण्डकन्युजसँग भने – ‘सिंहदरबार समेत चारैतिर घेरिदैंन । नारा जुलुस, हुलहुज्जत हुन लागे तत्कालका लागि सुरक्षा दिईने हो ।’ डिआईजी बोहोराले आफूलाई दबाब दिने को ? भन्ने बारे भने खुलाएनन् । तर उनले खुलिसकेको बताए ।
वडा प्रहरी कार्यालय बैदामका प्रमुख नविन कार्कीले पनि बुधबार नै आफूहरुले हटाएपछि भोलिपल्ट जस्ताको तस्तै अवस्थामा देखिएको तर यसबारे आफूले केहि बोल्न नमिल्ने बताएका थिए । हटाउने विषयमा विहीबार सिडिओ तारानाथ अधिकारी र कास्की प्रहरी प्रमुख ओमबहादुर रानाबीच छलफल भएको थियो । शुक्रबार बिहानदेखि दुवै ठाउँमा काँडेतार हटेको छ ।
विहीबार प्रकाशित समाचार
This will close in 3 seconds
सम्बन्धित खबर
डा. चैतन्य अधिकारीको ‘जुद्ध शमशेरका नाममा’ कविता सङ्ग्रह लोकार्पण
बैंक तथा वित्तीय क्षेत्रको समस्यामा प्रतिफल आउने गरी काम गर्छुः गोकर्ण कार्की
काम गर्न राम्रो टीम चाहिन्छ, त्यो हामीले लिएर आएका छौँः अर्जुन पोखरेल
‘नारामा युवा पटकपटक, नेतृत्वमा युवा यस पटक’ – सौगात थापा
‘मानिया’ इनर्जी ड्रिंक पिउँदा तामाङ्गले जिते ३२ इन्चको एलइडी टिभी
जीवनको मुक्ति साधना, सफलताका लागि कर्म अनिवार्यः प्रदेश प्रमुख भट्ट
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग