पोखरा – गण्डकी प्रदेशमा कोरोना संक्रमितको कूल सङ्ख्या २४४७ पुगेको छ ।
स्वास्थ्य निर्देशनालय पोखराको शनिबार बिहानको पहिलो अद्यावधिक विवरण अनुसार प्रदेशका ५ जिल्लाका ४४ जनामा कोरोना संक्रमण पुष्टि भएको हो । संक्रमितहरु कास्की, बाग्लुङ, स्याङ्गजा, नवलपुर र लमजुङका छन् ।
क्षयरोग उपचार केन्द्र पोखरामा गरिएको परीक्षणमा कास्कीको पोखरा महानगरका २२ जनामा कोरोना संक्रमण पुष्टि भएको छ । पोखराका ९ वटा वडाका २२ जनामा एकैपटक कोरोना संक्रमण पुष्टि भएको हो ।
यस्तै बाग्लुङको तीनवटा स्थानीय तहमा कोरोना संक्रमण पुष्टि भएको छ । जिल्लाको तमानखोला गाउँपालिका १ का २६ वर्षीया महिला, बडिगाड गाउँपालिका १ का २७ वर्षीय पुरुष र बाग्लुङ नगरपालिका २ का २९ वर्षीय पुरुषको परीक्षण रिपोर्ट पोजेटिभ आएको छ ।
उता स्याङ्गजाको गल्याङ नगरपालिकाका ३८ वर्षीय पुरुष (वडा नखुलेको) को रिपोर्ट पनि कोरोना पोजेटिभ देखिएको छ ।
यस्तै नवलपुरको हुप्सेकोट गाउँपालिका ३ का २८ वर्षीय महिलामा पनि कोरोना पुष्टि भएको छ ।
यस्तै लमजुङको बेसीशहर नगरपालिका ९ का ४१ र ३४ वर्षीय पुरुष, बेसीशहर ७ की १० महिने शिशु, बेसीशहरकै (वडा नखुलेका) ३०, ३७, ७५ वर्षका पुरुष र २३, ३२ र ६५ वर्षीया महिला, बेसीशहर ८ का २९ र ४८ वर्षका पुरुष, (वडा नखुलेको) २ जना ३० र ४५ वर्षका महिला र जिल्ला अस्पताल लमजुङ बेसीशहरमा उपचाररत बिरामी ३८ र ६२ वर्षका पुरुष र २८ र ४५ वर्षीया महिला गरी ४ जनामा कोरोना पुष्टि भएको निर्देशनालयले जनाएको छ ।
संक्रमित सबैलाई सम्बन्धित जिल्लाको आइसोलेसन कक्षमा लैजाने तयारी भैरहेको छ ।
सम्बन्धित खबर
गण्डकी प्रदेशलाई ‘वेलनेस’ टुरिजमको हव बनाऔँ : मुख्यमन्त्री पाण्डे
पोखरा लेकसाइडमा २० औं फेवा महोत्सव हुने
पोखरा आएर एमाले महासचिवले भने : मेयर हारेको विषयबाट पाठ सिकेर एकढिक्का हुनुस्
पड्किएको बेलुन बेच्ने कमलेश हाजिरी जमानीमा रिहा
घर–घर पुगेर जनता भेट्दै एमाले, कास्कीमा शुक्रबारदेखि अभियानको सुरूवात
पोखरामा जिप र स्कुटर ठोक्किँदा एक जनाको मृत्यु, अर्का एक घाइते
यो पनि पढौँ
पोखरामा जीपको ठक्करबाट आमाको मृत्यु, छोरा गम्भीर घाइते
कुम्भ मेलाबाट फर्किँदै गर्दा नेपाली सवार गाडी दुर्घटना, रुपन्देहीका ३ जनाको मृत्यु
पर्वतमा जीप दुर्घटना हुँदा एक जनाको मृत्यु, चालक गम्भीर
शानदार मःम पसलमा ग्यास विस्फोटः थप एकजनाको मृत्यु, मृतकको संख्या ४ पुग्यो