पोखरा – आइतबार मात्र पोखराका २२ जनामा कोरोना संक्रमण पुष्टी भएको छ । स्वास्थ्य निर्देशनालयको आइतबार बिहान पहिलो र दोस्रो अद्यावधिक विवरणमा ५/५ गरी १० जनामा कोरोना संक्रमण पुष्टी भएकोमा आइतबारकै तेस्रो तथा पछिल्लो अद्यावधिक विवरणमा थप १२ जनामा कोरोना संक्रमण पुष्टी भएको निर्देशनालयले जनाएको छ ।

क्षयरोग उपचार केन्द्र पोखरामा गरिएको परीक्षणमा पोखराका १२ सहित स्याङ्गजाका दुई जनामा कोरोना संक्रमण पुष्टी भएको हो ।

संक्रमितहरु पोखरा महानगरपालिका वडा नं -१५ का ५० बर्षका दुई महिला र पुरुष, पोखरा -५ का ३७, ३८, ६७ र ५२ बर्षका चार जना महिला र ४१, ६४ र ७५ बर्षका तीनजना पुरुष, पोखरा -१४ का ३७ बर्षीय पुरुष, पोखरा -१६ का १८ बर्षीय युवक र पोखरा -७ का ३० बर्षीय पुरुषमा कोरोना पुष्टी भएको निर्देशनालयका प्रमुख डा. विनोद विन्दु शर्माले जानकारी दिए ।

यस्तै, स्याङ्गजाको पुतलीबजार नगरपालिकाका ४५ र ५५ बर्षका दुई महिलामा पनि कोरोना संक्रमण पुष्टी भएको निर्देशनालयले जनाएको छ । यो संगै गण्डकीमा कोरोना संक्रमितहरुको संख्या १७३५ पुगेको छ ।