सूर्य तिमिल्सिना, पोखरा | झापा दमक -२ घर भएकी २४ वर्षीया जानुका पराजुली किशोर अबस्थामै मलद्वारको क्यान्सरबाट पिडित हुन पुगिन् | परिवारले आफ्नो भएको जाय जेथा बेचेरै भए पनि उनको उपचारको लागि कुनै कसुर बाँकी राखेन | तर उनको क्यान्सर झन् झन् जटिल हुँदै गएकोले थप उपचारको लागि भारतको नयाँ दिल्ली लैजानु पर्ने भयो |
प्रारम्भिक चरणमै परिवारको अलि अलि भएको सम्पति समेत सबै सकियो | दिल्ली लगेर उपचार गर्न उनीहरुको लागि असम्भव जस्तै थियो |तर जानुका पराजुली आर्थिक अभावकै कारण उपचार नपाएर जीवन र मृत्युको दोधारमा छट्पटिको खबर सामाजिक संजालमा पोष्ट भए पछी भने उनको उपचारको लागि सहयोग संकलन अभियान सुरु भयो |उनको उपचारको लागि धेरै ठाउँबाट आश्वासन आएपछि अहिले उनको भारतको नयाँ दिल्लीमा उपचार भइरहेको छ |
यता पोखरामा युवाहरुले जानुका पराजुली बचाउ अभियान नै चलाएर एक हप्ता भन्दा बढी सडकमै बिभिन्न कार्यक्रम गरेर आर्थिक संकलन गरे | युथ हेल्पिङ ह्यान्डस पोखरामा आबद्ध युवाहरुले यो अभियान चलाएका हुन् |
यहि जेष्ठ ५ गते पोखराको लेकसाइडमा चटपट तथा पानी पुरीको स्टलबाट अभियान सुरु गरेका उनीहरुले कहिले बिद्यालय चाहारे त कहिले सडक सडकमै आर्थिक संकलन गरे | यति मात्र हैन अन्तिम दिन सांगीतिक कार्यक्रम समेत गरेर सहयोग संकलनमा कुनै कसुर बाँकी राखेनन् |
परोपकारी मन भएका युवाहरु एकजुट भएपछी असम्भव भन्ने के नै छ र ? यसरी सडकमै बिभिन्न कार्यक्रम गरेर एक लाख ३१ हजार संकलन गरेका उनीहरुले आज बिहिबार बिरामीको आफन्तको खातामा पठाइदिएका छन्|
“कोहि व्यक्ति गरिबीकै कारण उपचार नपाएर मर्न बाध्य हुन्छ भने त्यो मृत्यु नभै हत्या हुनेछ त्यसैले हामीले यो अभियान चलाएर रकम संकलन गरेका हौँ |” कार्यक्रमको संयोजन समेत गरेका हेल्पिंग ह्यान्डस पोखराका संयोजक सुबोध भण्डारीले भने |यसरी आर्थिक अभावमा उपचार गर्न नसक्नेलाई उपचार गराउने दायित्व राज्यको हो तर हामी नागरिकले समेत आफ्नो स्थानबाट सक्दो सहयोग गर्नुपर्ने उनको भनाइ भनाइ थियो |
यसरी सामाजिक सेवामा सरिक हुन पाउँदा आफुँलाई समेत सन्तुस्ट मिल्ने अभियानमा सहभागीहरुको प्रतिक्रिया थियो |उनीहरुले आफ्नो अभियानलाई प्रत्यक्ष अप्रत्यक्ष रुपमा सहयोग गर्ने सबै प्रति धन्यबाद समेत दिएका छन् |हेल्पिंग ह्यान्डस सामाजिक संजाल फेसबुकको ग्रुप हो |यसमै आबद्ध भएर युवाहरुले बिभिन्न सामाजिक कार्य गरिसकेका छन् |
This will close in 3 seconds
सम्बन्धित खबर
डा. चैतन्य अधिकारीको ‘जुद्ध शमशेरका नाममा’ कविता सङ्ग्रह लोकार्पण
बैंक तथा वित्तीय क्षेत्रको समस्यामा प्रतिफल आउने गरी काम गर्छुः गोकर्ण कार्की
काम गर्न राम्रो टीम चाहिन्छ, त्यो हामीले लिएर आएका छौँः अर्जुन पोखरेल
‘नारामा युवा पटकपटक, नेतृत्वमा युवा यस पटक’ – सौगात थापा
‘मानिया’ इनर्जी ड्रिंक पिउँदा तामाङ्गले जिते ३२ इन्चको एलइडी टिभी
जीवनको मुक्ति साधना, सफलताका लागि कर्म अनिवार्यः प्रदेश प्रमुख भट्ट
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग