पोखरा । देशकै ठूलाे महानगर पाेखरामा ठूलाे दल नेकपा एमालेले दीपक पाैडेललाई मेयरकाे उम्मेदवारकाे टिकट दियाे । तर, नाम सार्वजनिक भएलगत्तै सुनका गहना चाेरी गर्दै गरेकाे भनेर धेरै वर्ष अघिकाे भिडियाे सार्वजनिक गरियाे । र, नियाेजित रूपमा भाइरल गराइयाे ।

पाैडेलले गहना चाेरी गरेकाे भनेर भाइरल उक्त भिडियाे पार्टी अध्यक्ष केपी शर्मा वलीले पहिल्यै हेरिसकेका थिए । पाैडेलसँग बुझ्दा झुक्किएर गाेजीमा हालेकाे तर पछि पैसा दिएरै किनेकाे, भिडियाे थाेरै मात्र सार्वजनिक भएकाे भन्ने प्रस्टीकरणपछि अध्यक्ष वली विश्वस्त भए । झनै पाैडेलकाे अंक बढ्याे । पाैडेलकाे काण्ड भन्दै भिडियाे देखाउन वली समक्ष पुगेका कास्कीका नेताहरूहरूकाे एउटा समूह त्यसपछि फर्किएका थिए ।

पाैडेल उम्मेदवार बनेपछि एकाएक भिडियाे भाइरल बनाइयाे । याे काम विपक्षी पार्टीकाे थिएन । जानकारका अनुसार विपक्षीले भए उम्मेदवारी फिर्ताकाे समयपछि बल्ल विराेध हुन्थ्याे । भिडियाे भाइरल बनिरहँदा पार्टीले कुनै अाधिकारिक भनाई सार्वजनिक गरेन । मनाेनयन दर्ताकाे दिन बिहान मात्र पाैडेलकाे टिकट खाेस्याे । त्यसपछि पाैडेलले आफूविरुद्धको षड्यन्त्रप्रति गुनासो गर्दै फेसबुकमार्फत प्रतिक्रिया दिए ।

अपमान भएको भन्दै स्थानीय एमाले कार्यकर्ताले नै पौडेललाई घरबाहिर ननिस्कन सुझाएका थिए । पाइसकेको टिकट खोसिएदेखि पौडेल घरबाट बाहिर निस्किएका छैनन् । मेयरको टिकट खोसिएका एमाले नेता पौडेलको घरमा पुगेर वरिष्ठ उपाध्यक्ष ईश्वर पोखरेलले पार्टीले न्याय गर्ने अश्वासन दिएका छन् । चुनावी अभियानका क्रममा पोखरा पुगेका वरिष्ठ उपाध्यक्ष पोखरेल आइतबार पौडेलको १९ नम्बर वडाको पुरनचौरस्थित घरमा पुगेका थिए ।

विवादका कारण टिकट खोसिएका तर इमानदार र कहिल्यै अवसर नपाएका गण्डकी प्रदेश कमिटी सचिवालय सदस्य पौडेलललाई भेट्न पोखरेलसँगै गण्डकी प्रदेशसभा सदस्य राजीव पहारी पनि गएका थिए । वरिष्ठ उपाध्यक्ष पोखरेलले उनलाई निराश नहुन भन्दै पार्टीले मूल्यांकन गरेर उपयुक्त जिम्मेवारी दिने बताएका थिए ।

उनी आफूविरुद्ध पार्टीकै मान्छेले भिडिओ प्रकरण बाहिर ल्याएको भन्दै निराश थिए । वरिष्ठ उपाध्यक्ष पोखरेलले पौडेलका परिवारका सदस्यहरुलाई समेत सम्झाएको भेटमा सहभागी नेताहरुले बताए । पोखरेल पौडेलको घरमा पुग्दा छिमेकी स्थानीयले समेत पौडेलमाथि अन्याय भएको भन्दै आक्रोश पोखेका थिए ।

वरिष्ठ उपाध्यक्ष पोखरेल र पौडेलबीच झण्डै २ घण्टा गोप्य कुराकानीसमेत भएको थियो । गोप्य कुराकानीबारे दुवै नेताले केही भनेका छैनन् । तर, पोखरेलले पौडेललाई पार्टीले न्याय गरेरै टिकट दिएको तर विवादास्पद भिडिओका कारण चुनावी माहाेल बिग्रने देखेर निर्णय परिवर्तन गरेको भन्दै कृष्ण थापालाई जिताउन लाग्न आग्रह गरेका थिए ।

पौडेलको परिवार र छिमेकीले सिंगो जीवन पार्टीलाई दिएका नेतामाथि अन्याय भएको बताएका थिए । पोखरेलले चाँडै अनुभूति हुने गरी पौडेललाई न्याय गरिने प्रतिबद्धता स्थानीयसँग गरेका छन् । पोखरेलले पोखरा महानगरपालिकामा एमालेलाई विजयी गराउन पनि पुरन्चौरवासीसँग आग्रहसमेत गरे ।

टिकट खोसिएका नेता पौडेलले पोखरामा एमालेले चुनाव जित्ने भन्दै आफूबाट पार्टीको विपक्षमा कुनै गतिविधि नहुने आश्वासन वरिष्ठ उपाध्यक्ष पोखरेललाई दिएका थिए ।

सम्बन्धित समाचारः

टिकट खाेसिएका पाैडेलले भनेः पदको लागि मरिहत्ते गर्ने पार्टीभित्रकै षड्यन्त्रकारीले चरित्र हत्या गरे