पोखराको सस्तो बजार अगाडि भेटिएको बम
पोखरा । विप्लव नेतृत्वको नेपाल कम्युनिष्ट पार्टीले आइतबार आह्वान गरेको नेपाल बन्दको प्रभाव पोखरामा आंशिक रुपमा परेको छ ।
सार्वजनिक सवारी, शिक्षण संस्था, कलकारखाना तथा मुख्य बजारका पसलहरुमा मात्र बन्दको प्रभाव प¥यो । नेकपाले राष्ट्रघातको पछिल्लो शृंखलाको रुपमा भारतीय प्रधानमन्त्रीको नेपाल भ्रमण, उक्त भ्रमणका क्रममा राष्ट्रघाती अरुण–३ को शिलान्यास, मोदीको भ्रमणको सुरक्षाका नाममा भारतीय सेनाको नेपाल प्रवेशमा विरोध गर्दै बन्द आयोजना गरेको जनाएको छ ।
नेकपाले नेपाल बन्दमा गरेको बम आक्रमण र आगजनीले जनजीवन भने धेरै जिल्लामा प्रभावित बन्यो । ठाउँठाउँमा बम आक्रमण र आगजनी गरेपछि स्थानियहरु त्रसित भए । पोखरामा पनि चार ठाउँमा बम फेला प¥यो । तर प्रहरीले भने शक्तिशाली बम नभई तर्साउने प्रयास मात्र गरेको जनाएको छ ।
विरौटामा बम भएको क्षेत्र
पोखराको सैनिक वस्ती, बिरौटा, पृथ्वीचोक र अमरसिंहचोकमा झोलामा बम बनाउन प्रयोग गरिने बस्तु जोडजाम गरी तर्साउने काम भएको जिल्ला प्रहरी कार्यालय कास्की प्रवक्ता डिएसपी खड्कबहादुर खत्रीले जानकारी दिए । ‘बम भनिहाल्न मिल्दैन तर तर्साउने काम गरेको हो । त्यसलाई निस्क्रिय बनाइयो ।’ खत्रीले भने ।
आइतवार विहान पोखरा लेखनाथ महानगरपालिका २९ सैनिक वस्तीमा नेकपाका कार्यकर्ताहरुले बम राखेका थिए । नेपाली सेनाको डिस्पोजल टोलीले बम राखेको खबर पाए लगत्तै डिस्पोज गरेको हो । यस्तै, पूर्वान्हको समयमा लेखनाथ महानगरपालिका १७ बिरौटा स्थित पोखरा विमानस्थल अगाडि पनि बम फेला परेको थियो ।
लेखनाथको सैनिक वस्तीमा राखिएको बम
नेपाली सेनाको टोलीले डिस्पोज गरेको थियो । अमरसिंहमा पनि त्यस्तै वस्तु भेटिएको थियो भने अपरान्ह पृथ्वीचोक स्थित सस्तो बजार अगाडि शंकास्पद वस्तु भेटियो । पोखरामा प्रदेशस्तरको सुरक्षा समितिको छलफल चलिरहँदा दिनदाहाडै नेकपाका कार्यकर्ताहरुले आतंकित बनाउने काम गरे ।
नेकपाको यसअघिको बन्द भने शान्तिपूर्ण थियो । तर, यसपटक निर्वाचनका क्रममा जस्तो ठाउँ ठाउँमा बम हानिएको छ ।
तनहुँको मादी पुलमा राखिएको बम
This will close in 3 seconds
सम्बन्धित खबर
डा. चैतन्य अधिकारीको ‘जुद्ध शमशेरका नाममा’ कविता सङ्ग्रह लोकार्पण
बैंक तथा वित्तीय क्षेत्रको समस्यामा प्रतिफल आउने गरी काम गर्छुः गोकर्ण कार्की
काम गर्न राम्रो टीम चाहिन्छ, त्यो हामीले लिएर आएका छौँः अर्जुन पोखरेल
‘नारामा युवा पटकपटक, नेतृत्वमा युवा यस पटक’ – सौगात थापा
‘मानिया’ इनर्जी ड्रिंक पिउँदा तामाङ्गले जिते ३२ इन्चको एलइडी टिभी
जीवनको मुक्ति साधना, सफलताका लागि कर्म अनिवार्यः प्रदेश प्रमुख भट्ट
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग