पोखरा।      पछिल्लो २४ घण्टामा गण्डकीका थप ५ जनामा कोरोना पुष्टि भएको छ।

प्रदेश स्वास्थ्य निर्देशनालयको कोरोना सम्बन्धी विज्ञप्ति अनुसार पछिल्लो २४ घण्टामा गण्डकीका ११५ जनामा गरिएको नमुना परीक्षणमा उक्त संख्याका मानिसको रिपोर्ट कोरोना पोजेटिभ आएको हो ।

आइतबार संक्रमण पुष्टि हुनेमा गण्डकीका दुई जिल्ला कास्की र म्याग्दीका छन्। जसमध्ये कास्की जिल्लाका ३ जना र म्याग्दी जिल्लाका २ जनाको परीक्षण रिपोर्ट कोरोना पोजेटिभ आएको छ । आज संक्रमण पुष्टि भएकासँगै गण्डकीमा कोरोना संक्रमितको कूल संख्या १ लाख एक हजार ९७७ पुगेको छ।

पछिल्लो २४ घण्टामा गण्डकीबाट थप ५ जना कोरोना मुक्त भएका छन्। योसँगै, प्रदेशमा संक्रमणमुक्त हुनेको संख्या एक लाख ४६६ पुगेको छ। भने, गण्डकीमा हाल ४५ सक्रिय संक्रमित छन्।

कोरोना संक्रमणकै कारण गण्डकीमा अहिलेसम्म ज्यान गुमाउनेको संख्या १४६६ रहेको निर्देशनालयले जनाएको छ।