मेरो बाबा मेरो परान, तिमी मेरो राजै
तिम्ले साथ दिनौ भने, मर्छु भन्थ्यौ आजै
नयाँ नयाँमा रैछ नयाँ नयाँमा, पूरानो भएसी दिनकै झगडा किन हुन्छ मयामा ?
लौन
………
प्रिय युवा गायक राजकुमार बानियाँको यस्तै चोटिलो शब्द र मिठास लयमा नयाँ गीत सार्वजनिक भएको छ । पहिलो पटक भिडियोमा मुख्य भूमिकामा देखिएका राजकुमारलाई स्वरमा धादिङकै गीता सेञ्चुरीले साथ दिएकी छिन् भने दृश्यमा उदयीमान चर्चित मोडल करिश्मा ढकालले ।

गीतमा लय, शब्द राजकुमारकै हो । भिडियो निर्माणमा राजकुमार भुजेलको पनि उत्तिकै साथ छ । भुजेलको पनि अभिनय रहेको छ । भिडियोको निर्देशन व्यस्त निर्देशक प्रकाश भट्टले गरेका हुन् । बानियाँकै जलेश्वरी म्युजिक प्रालिले अडियो, भिडियोको प्रस्तुति गरेको छ ।

कलेज लाइफमा भएको माया प्रेम, शंका, आशंका, अविश्वासका कारण हुने झगडालाई गीतको शब्द र भिडियोमा उतारिएको छ । म्युजिक नेपालको युट्युब च्यानलमा शुक्रबार मात्रै अपलोड भएको भिडियो पहिलो दिन नै दश हजार बढिले हेरिसकेका छन् ।

हेर्नुहोस् भिडियोः