पछिल्लो २४ घण्टामा गण्डकीका थप ४३५ जनामा कोरोना पुष्टि भएको छ।

प्रदेश स्वास्थ्य निर्देशनालयको कोरोना सम्बन्धी विज्ञप्ति अनुसार पछिल्लो २४ घण्टामा गण्डकीका ९५६ जनामा गरिएको नमुना परीक्षणमा उक्त संख्याका मानिसको रिपोर्ट कोरोना पोजेटिभ आएको हो ।

मंगलबार संक्रमण पुष्टि हुनेमा गण्डकीका ११ जिल्लाका छन् । जसअन्तर्गत कास्कीका २४३ जना, तनहुँका २६ जना, गोरखाका सात जना लमजुङका २८ जना र नवलपुरका १८ जनामा कोरोना पुष्टि भएको छ ।

यस्तै स्याङ्गजाका ५७ जना, पर्वतका पाँच जना, बाग्लुङका २८ जना, म्याग्दीका १९ जना, मुस्ताङ्गका तीन जना र मनाङ जिल्लाका एक जनाको परीक्षण रिपोर्ट कोरोना पोजेटिभ आएको निर्देशनालयले जनाएको छ। आज संक्रमण पुष्टि भएकासँगै गण्डकीमा कोरोना संक्रमितको कूल संख्या ९९ हजार ५८२ पुगेको छ ।

यस्तै पछिल्लो २४ घण्टामा गण्डकीबाट ४२८ जना संक्रमणमुक्त भएका छन् । योसँगै, प्रदेशमा संक्रमणमुक्त हुनेको संख्या ९१ हजार ८८१ पुगेको छ। भने, अहिले प्रदेशभर ६ हजार २६२ सक्रिय संक्रमित छन् ।

मंगलबार गण्डकीमा थप एक जनाको मृत्यु पुष्टि भएको छ। मृतक कास्की जिल्ला अन्नपूर्ण गाउँपालिका -४ निवासी ८४ वर्षीया वृद्धा छिन्। योसँगै, गण्डकीमा कोरोना संक्रमणका कारण हालसम्म ज्यान गुमाउनेको संख्या १४३९ पुगेको निर्देशनालयले जनाएको छ ।