पोखरा । लामो समयदेखि रिक्त रहेको नेपाली काँग्रेस समर्थित विद्यार्थी संगठन नेपाल विद्यार्थी संघमा नयाँ समिति चयनले गति लिएको छ । पक्ष अनुसार समिति बनिरहेका छन् ।
नेपाली काँग्रेस कास्कीमा पर्शुराम बस्नेतलाई केन्द्रले जिल्ला सभापति चयन गरेपछि बस्नेतले आफ्नो क्षेत्रमा कमिटि निर्माण सुरु गरेका हुन् । मंगलबार कास्की क्षेत्र नं. २ को सभापतिमा सौगात थापालाई चयन गरेका छन् ।
नेवि संघको विधान २०२७ छैटौं संशोधित २०७३ अनुरुप थापालाई सभापतिमा चयन गरिएको जनाइएको छ । सभापतिमा चयन गरेपछि थापालाई प्रदान गरिएको पत्रमा लेखिएको छ : नेवि संघ कास्की क्षेत्र नं. २ मा आबद्ध नेता कार्यकर्ता एवं आम विद्यार्थीको भेलाबाट सर्वसम्मत नेवि संघ कास्की क्षेत्र नं. २ को सभापति चयन हुनुभएकोमा हार्दिक बधाई एवं शुभकामना व्यक्त गर्दछौं ।’
सभापति बस्नेतले संगठनको मूल्य, मान्यता र आदर्शलाई आत्मसाथ गर्दै संगठनको शिर उँचो राख्न र नेवि संघ निरन्तर क्रियाशील हुनेमा आफू विश्वस्त रहेको बताएका छन् । साथै संगठनमा आबद्ध साथीहरुको मनोभावनालाई समेटेर क्षेत्रयि कार्यसमिति गठन गरी यथाशीघ्र अधिवेशन सम्पन्न हुने विश्वास समेत लिएका छन् ।
२० वर्ष मात्र पुगेका क्षेत्रीय सभापति थापा युवा व्यवसायी समेत हुन् । पोखरा लिंकन कलेजमा बिबिए अध्ययनरत थापा सामाजिक सेवामा समेत रुची राख्छन् । एक समय युथ फर चेञ्ज ग्रुप स्थापना गरी सडकबालबालिकाका लागि कार्यक्रम, बन्द विरुद्धको अभियानमा उनी जुटेका थिए ।
सम्बन्धित खबर
सयौं च्याङ्ग्रा लिएर कहाँ गायब भए मुन्ना ? सँगै पोखरा झरेका च्याङ्ग्राधनी खोजेको खोज्यै
रूपा रिङरोड दोस्रो खण्डको शिलान्यास, ४७ करोडमा बन्ने
संविधानको कार्यान्वयनसँगै समृद्धि हासिलः प्रदेश प्रमुख भट्ट
संविधान दिवस : स्याङ्जामा प्रभातफेरी
पश्चिमाञ्चल क्षेत्रीय अस्पतालमा गत वर्ष साढे ४ लाख बढीले लिए सेवा
हिसान कास्की अध्यक्षमा हिल पोइन्टका दिवाकर, सचिवमा प्रतिभाका किरण
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग