सिन्धुली । सिन्धुलीको दुधौलीमा जंगली हात्तीले आतंक मच्चाएको छ।

दुधौली नगरपालिका–११ डुडेगैरीमा जंगली हात्तीले २८ वटा घर भत्काएको छ । वडाध्यक्ष कुमार लामाका अनुसार गएको आइतबार राति र त्यसअघि गरेर हात्तीले ४ वटा घर भत्काएको छ ।

हात्तीले घर भत्काएपछि स्थानीय बुधेश्वर सदा, गोले सदा, कतरिया सदा र लक्ष्मी सदाको परिवारको बिचल्ली भएको छ।

हात्तीले घर भत्काउनुका साथै अन्न र करेसा बारीको फलफूलसमेत नष्ट गरेको लक्ष्मी सदाले बताइन्।

आइतबार मध्यरातमा हात्तीको बथान बस्तीमा छिरेपछि स्थानीयले भागाभाग गरेर ज्यान जोगाएका छन्।

दुधौलीमा जंगली हात्तीले केही दिनअघि मात्रै २४ घर भत्काएको थियो। यो समेत माथिल्लो पत्रिङ्गा र डुडे गैरीमा २८ घर भत्किएको छ ।

सुरुमा घर भत्काएका १८ परिवारलाई रेडक्रस र दुधौली नगरपालिकाले खाद्यान्न, लत्ताकपडा, त्रिपाल सहयोग गरेको छ । बाँकी पीडित परिवार छिमेकीको घरमा शरण लिएर बसेका छन्।

गतवर्ष पनि हात्तीले दुधौली नगरपालिकाको विभिन्न वडामा दुई दर्जन बढि घर भत्काएको थियो ।