पोखरा जेसीज वर्ष २०१६ का अध्यक्ष एवं नेपाल जेसीजका पूर्व राष्ट्रिय उपाध्यक्ष गोविन्दप्रसाद देवकोटा अहिले कानुनी सल्लाहकारमा नियुक्त भएका छन् ।

पोखरा जेसिजको आतिथ्यतामा सम्पन्न नेपाल जेसिजको ४८ औँ राष्ट्रिय महाधिवेशनबाट बर्ष २०२२ को लागि निर्वाचित नेतृत्वले देवकोटालाई नेपाल जेसीजको कानुनी सल्लाहकारमा मनोनित गरेको हो ।

महाधिवेशनले राष्ट्रिय अध्यक्षमा लालमणि भण्डारीलाई निर्वाचित गरेको छ । नवनिर्वाचित अध्यक्ष भण्डारीले विधानअनुसार उक्त पदमा पोखराका देवकोटालाई मनोनित गरेका हुन् । कार्यकारिणी उपाध्यक्षमा दिपेन्द्र निरौला, सुनिल तिमल्सिना, अनिल बहादुर शाही र रमा प्याकुरेल छन् ।

टीओवाईएन संयोजकमा पोखरा लेडी जेसिजकी पूर्व अध्यक्ष सन्तु पौडेल, उपाध्यक्षमा श्रीकृष्ण श्रेष्ठ लगायत चुनिएका छन् । डाइनामिक युथ लिडरका रुपमा आफ्नो छवि बनाएका देवकोटा सबैसँग सहजै घुलमिल हुन सक्ने र मिलनसार छन् ।