पोखरा । जनता समाजवादी पार्टी (जसपा)का संघीय परिषद् अध्यक्ष डा. बाबुराम भट्टराईले नेकपा (एमाले)को विधान महाधिवेशनलाई ‘खड्कप्रसादको कुम्भमेला निभ्ने बेलाको बत्ती’ भन्दै टिप्पणी गरेका छन् ।

भट्टराईले आज टुइटमार्फत नेकपा एमालेका अध्यक्ष केपी ओलीको फोटो सेयर गर्दै सो टिप्पणी गरेका हुन् । नेकपा एमालेको प्रथम विधान महाधिवेशन हिजो (शुक्रबार) देखि सुरु भएको छ ।

सोही महाधिवेशनलाई लक्षित गर्दै भट्टराईले लेखेका छन्, ‘खड्गप्रसादको कुम्भमेला निभ्ने बेलाको बत्ती हो । लूटको धन फुपूको श्राद्ध गरेर सोझा जनतालाई केही समय भ्रममा पार्न सकिएला तर अन्तमा देशले ठुलो मूल्य चुकाउनुपर्नेछ । नक्कली राष्ट्रवाद, नृजातीय अहंकारवाद, पपुलिज्म र व्यक्तिपूजाको ककटेलले अन्तः स्टालिन, हिटलर र फासीवाद जन्माउने हो ।चेतना भया!’

खड्गप्रसादको कुम्भमेला निभ्ने बेलाको बत्ती हो। लूटको धन फुपूको श्राद्ध गरेर सोझा जनतालाई केही समय भ्रममा पार्न सकिएला तर अन्तमा देशले ठुलो मूल्य चुकाउनुपर्नेछ।नक्कली राष्ट्रवाद,नृजातीय अहंकारवाद,पपुलिज्म र व्यक्तिपूजाको ककटेलले अन्त: स्टालिन,हिटलर र फासीवाद जन्माउने हो।चेतना भया! pic.twitter.com/B8SzzMuaIK

— Baburam Bhattarai (@brb1954) October 2, 2021