आशिष पुरी । पोखरा महानगरपालिका वडा नं. १० उत्तमचोकमा द बारबर क्लब सञ्चालनमा आएको छ । समयानूकुल हेयर कटिङ र डिजाइनका लागि युवाकेन्द्रित रहेर सुविधासम्पन्न बारबर क्लब सञ्चालनमा आएको हो ।

सञ्चालक शम्भुजङ्ग कार्कीका अनुसार ३० लाख बढी लगानीमा अत्याधुनिक सुविधासहितको बार्बर क्लब खोलिएको हो । विश्वकर्मा पूजाको दिन शुक्रबारबाट शुभारम्भ भएको क्लबको ग्राण्ड ओपनिङ असोज २१ गतेसम्म चल्ने उनले बताए ।

पोखरा वडा नं. १३ का अध्यक्ष दर्शन लामाले एक समारोहका बीच शुभारम्भ गरेका हुन् । अध्यक्ष लामाले युवाहरु स्वावलम्बी बन्दै यसरी उद्यमी, व्यवसायी बन्दा राष्ट्रलाई योगदान पुग्ने बताए ।

सौन्दर्यताका लागि तथा विशेषगरी व्यक्ति चाहना अनुरुपको डिजाइन अनुसारको कपाल कटिङ, कलरिङ, कान छेड्ने, फेसियल लगाएतका सेवा प्रदान गरिने कार्कीले बताए । विवाहको श्रृङगार, कपाल रङ्गाउने, ठाडो पार्ने, मेनिकेयर, पेडिकेयर जस्ता सबै काम हुनेछन् ।

युवा व्यवसायी कार्कीले यस अघिनै यशोदा फर्निचर उद्योग तथा मेटल सञ्चालनमा ल्याइसकेका छन् ।