पोखरा।  आइतबार गण्डकीका ३८०  जनामा कोरोना पुष्टि भएको छ।

प्रदेश स्वास्थ्य निर्देशनालयको दैनिक कोरोना सम्बन्धी विज्ञप्ति अनुसार पछिल्लो २४ घण्टामा गण्डकीका १०६८ जनामा गरिएको नमुना परीक्षणमा थप ३८० जनाको रिपोर्ट कोरोना पोजेटिभ आएको हो।

आज संक्रमण पुष्टि हुनेमा गण्डकीका आठ जिल्लाका छन् । जसअन्तर्गत कास्कीका १७१ जना, तनहुँका पाँच जना, लमजुङका सात जना र नवलपुरका तीन जनामा कोरोना पुष्टि भएको छ ।

यस्तै स्याङ्गजाका ७० जना, पर्वतका ४६ जना, बागलुङका ४७ जना र म्याग्दी जिल्लाका ३१ जनाको रिपोर्ट कोरोना पोजेटिभ आएको जारी विज्ञप्तिमा उल्लेख गरिएको छ।

आज आज थपिएकासंगै गण्डकीमा कोरोना संक्रमितको कूल संख्या ७५ हजार ६८६ पुगेको छ ।

पछिल्लो २४ घण्टामा गण्डकीबाट ३३२ जना कोरोनामुक्त भएका छन् । योसंगै, प्रदेशमा कोरोनामुक्त हुनेको संख्या ६८ हजार ३५६ पुगेको छ।

आइतबार गण्डकीमा थप १२ जनाको मृत्यु पुष्टि भएको छ । आज मृत्यु पुष्टि हुनेमा नवलपुरका पाँच जना, पोखरामा उपचाररत स्याङ्गजाका चार जना र कास्की पोखराका तीन जना छन् ।

आज मृत्यु पुष्टि भएकासंगै गण्डकीमा कोरोना संक्रमणका कारण ज्यान गुमाउनेको संख्या ११९२ पुगेको निर्देशनालयले जनाएको छ ।