पोखराको बगरबाट अवैध हतियार सहित एकजना पक्राउ परेका छन्।

बुधबार राति अन्दाजी १० बजेको समयमा पोखरा -१ बगर स्थित पृथ्वीनारायण क्याम्पस गेट अगाडी कारमा लुकाई राखेको अवस्थामा दुई नाले बन्दुकसहित पोखरा -१६ दिप बस्ने ५५ वर्षीय भरत गुरुङ पक्राउ परेको कास्कीका प्रहरी नायव उपरीक्षक तथा प्रहरी प्रवक्ता सुवास हमालले जानकारी दिए।

गुरुङका अनुसार जिल्ला प्रहरी कार्यालय तथा मातहतको वडा प्रहरी कार्यालय बगरबाट खटिएको प्रहरीको टोलीले क्याम्पस गेट अगाडी सवारी साधन चेकजाँच गर्ने क्रममा गुरुङले चलाएर ल्याएको ग २ च ४३७४ नंवरको कारको डिक्कीमा लुकाई राखेको अवस्थामा उक्त हतियारसहित नगद १६ हजार र मोवाइल वरामद गरेको हो ।

पक्राउ परेका गुरुङमाथि जिल्ला अदालत कास्कीबाट हातहतियार तथा खरखजाना सम्बन्धी कसुरमा चार दिनको म्याद थप गरी अनुसन्धान कार्य अगाडी बढाईएको प्रवक्ता हमालले जानकारी दिए ।