पेनाल्टी सुटआउटमा इङ्ल्याण्डलाई ३–२ ले पराजित गर्दै इटाली युरो कप २०२० को च्याम्पिएन बनेको छ ।

सोमबार राति लन्डनस्थित वेम्बली रंगशालामा भएको फाइनल खेलमा इटालीले घरेलु टोली इंग्ल्यान्डलाई ३-२ ले पराजित गर्दै उपाधि जितेको हो ।

खेलको १ मिनेट ५७ सेकेन्डमै इङ्ल्याण्डले इटालीविरुद्ध गोल गरेको थियो । ट्रिपियरको पासमा लुक शाले घरेलु टोलीलाई अग्रता दिलाएका थिए ।

पहिलो हाफमा उत्कृष्ट लयमा देखिएको इटालीले ६७ औँ मिनेटमा पाएको कर्नरलाई लियोनार्दो बुनुचीले बराबरी गोल फर्काएका थिए ।

निर्धारित समयको खेलमा दुवै टिमको बराबरी गोल पछि अतिरिक्त समय थपिएको थियो । अतिरिक्त समयमा पनि गोल हुन नसकेपछि खेल पेनाल्टी सुटआउटमा गएको थियो।

इटालीले यसअघि १९६८ मा पहिलोपटक यो उपाधि जितेको थियो । भने, सन् २००० र २०१२ मा फाइनल पुगेर इटली पराजित भएको थियो ।

आजको पराजयसँगै ५५ वर्षपछि इङ्ल्याण्डको च्याम्पिएन बन्ने सपना चकनाचुर भएको छ । १९६६ को विश्वकपपछि इङ्गल्यान्डले कुनै पनि ठुला प्रतियोगिताको फाइनलमा स्थान बनाउन सकेको छैन।