काठमाडौँ । प्रधानमन्त्री केपी शर्मा ओलीले बढी/पहिरोबाट प्रभावित परिवारका लागि १५ सय बण्डल जस्ता र प्रतिपरिवार ५० हजार रुपैयाँ उपलब्ध गराउने आश्वासन दिएका छन् ।

शनिबार बाढीरपहिरोले क्षति पुर्याएको मेलम्ची खानेपानी आयोजनासहित सिन्धुपाल्चोकका विभिन्न ठाउँ र बस्तीको निरीक्षण गर्न पुगेका प्रधानमन्त्री ओलीले अस्थायी वासस्थानका लागि १५ सय बण्डल जस्ता र प्रतिपरिवार ५० हजार रुपैयाँको आश्वासन दिएका हुन् ।

यस वर्ष मेलम्ची र हेलम्बुमा गरेर ३ सय ७६ परिवार प्रभावित भएको थियो ।

प्रधानमन्त्री ओलीले स्थायी घर बनाउनका लागि मेलम्ची नरपालिकाका स्थानीयलाई प्रतिपरिवार ४ लाख र हेलम्बु गाउँपालिकाका स्थानीयलाई प्रतिपरिवार ५ लाख रुपैयाँ रकम उपलब्ध गराउनेसमेत आश्वासन दिएका छन् ।

यसैगरी, प्रधानमन्त्री ओलीले मेलम्ची खानेपानी आयोजनाको क्षति एकिन गरी सुचालु गर्न पनि निर्देशन दिएका छन् ।

नेपाली सेनाको हेलिकप्टरबाट सिन्धुपाल्चोक पुगेका प्रधानमन्त्री ओली मेलम्ची र हेलम्बुको अवलोकनपछि काठमाडौँ फर्किसकेका छन्।