गण्डक न्युज पोखरा, ११ वैशाख / पोखराको एक मुख्य पर्यटकीय गन्तव्य सराङकोट सडकखण्डमा घुम्ती घुम्तीमा ऐना (कन्भेक्स मिरर) राखिएको छ ।
भिरालो सडक र साँघुरो भएका कारण उच्च दुर्घटनाको जोखिम रहेकाले यसको न्यूनिकरणको लागि पोखरा लेखनाथ महानगरपालिकाले जिल्ला ट्राफिक प्रहरी कार्यालयको समन्वयमा ऐनाहरु राखेको हो ।
गत चैत २४ गते सराङकोट सडकखण्डमा लेक भ्यू रिसोर्टको पर्यटकीय हाइसको ठक्करबाट स्थानीय ३६ वर्षीय रामु पुनको मृत्यु भएको थियो ।
घुम्ती सडकमा १ मिटर ब्यास रहेको रोड सेफ्टी कन्भेक्स मिरर राखिएको छ । मंगलबार पाँच स्थानमा राखिएको र अन्य स्थानमा समेत आवश्यकता अनुसार राखिने महानगर प्रमुखका स्वकिय सचिव लक्ष्मण तिमिल्सिनाले जानकारी दिए । महानगरका अन्य अप्ठ्यारा सडक तथा घुम्तिहरुमा समेत वडासँगको समन्वयमा ट्राफिक सचेतनाका सामाग्री राखिने जनाइएको छ ।
सराङकोटको विभिन्न स्थानमा ट्राफिक सचेतना चिन्ह समेत राखिने कुरा वडा नं. १८ का अध्यक्ष रणबहादुर थापाले बताए । ट्राफिक ब्यवस्थापनको लागि महानगरले यसअघि ट्राफिक कोन ब्यवस्थापन गरेर लेन अनुशासन कायम गराउन पहल गरेको थियो । त्यस्तै, ट्राफिक सचेतनाको संकेत पनि पोखरा वडा नं. ३ र ४ मा राखिसकिएको छ ।
घुम्तिहरुमा भैरहेको दुर्घटना न्यूनिकरण गर्नको लागि मिरर उपयुक्त हुने ट्राफिक प्रहरी कार्यालयका प्रमुख ऐन कुमार मल्लले बताए ।
This will close in 3 seconds
सम्बन्धित खबर
डा. चैतन्य अधिकारीको ‘जुद्ध शमशेरका नाममा’ कविता सङ्ग्रह लोकार्पण
बैंक तथा वित्तीय क्षेत्रको समस्यामा प्रतिफल आउने गरी काम गर्छुः गोकर्ण कार्की
काम गर्न राम्रो टीम चाहिन्छ, त्यो हामीले लिएर आएका छौँः अर्जुन पोखरेल
‘नारामा युवा पटकपटक, नेतृत्वमा युवा यस पटक’ – सौगात थापा
गौथली सामुदायिक विकास केन्द्रको हरितालिका तीज मेला तथा खेलकुद समापन
‘मानिया’ इनर्जी ड्रिंक पिउँदा तामाङ्गले जिते ३२ इन्चको एलइडी टिभी
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग