पोखरा । बुधबार गण्डकीमा थप २१६ जनामा कोरोना पुष्टि भएको छ ।

प्रदेश स्वास्थ्य निर्देशनालयको दैनिक कोरोना सम्बन्धी विज्ञप्ति अनुसार पछिल्लो २४ घण्टामा गण्डकीका १ हजार २६ जनामा गरिएको नमुना परीक्षणमा थप उक्त संख्याका मानिसको रिपोर्ट कोरोना पोजेटिभ आएको हो ।

आज संक्रमण पुष्टि हुनेमा प्रदेशका आठ जिल्लाका छन् । जसअन्तर्गत कास्कीका ६० जना, तनहुँका चार जना, लमजुङका २१ जना, नवलपुरका ३९ जना र स्याङ्गजाका १६ जनामा कोरोना पुष्टि भएको छ ।

यस्तै, पर्वतका ५० जना, बागलुङका १७ जना र म्याग्दीका नौ जनाको परीक्षण रिपोर्ट कोरोना पोजेटिभ आएको जारी विज्ञप्तिमा जनाइएको छ ।

आज थपिएकासंगै गण्डकीमा कोरोना संक्रमितको कूल संख्या ५३ हजार ३८७ पुगेको छ ।

पछिल्लो २४ घण्टामा गण्डकीबाट ३७६ जना कोरोनामुक्त भएका छन् । योसंगै, प्रदेशमा कोरोनामुक्त हुनेको संख्या ४९ हजार ३७१ पुगेको छ।

बुधबार पनि गण्डकीमा थप चार जनाको मृत्यु पुष्टि भएको छ । आज मृत्यु पुष्टि हुनेमा कास्कीका तीन जना र स्याङ्गजाका एक जना छन् ।

आज मृत्यु पुष्टि भएकासंगै गण्डकीमा कोरोना संक्रमणका कारण ज्यान गुमाउनेको संख्या ९०५ पुगेको निर्देशनालयले जनाएको छ।