काठमाण्डौ। कास्कीका एमाले नेता खगराज अधिकारी गृहमन्त्रीमा नियुक्त भएका छन् ।

प्रधानमन्त्री केपी शर्मा ओलीले बिहीबार पुनः मन्त्रिपरिषद्को विस्तार गर्दै अधिकारीलाई गृहमन्त्रीमा नियुक्ती गरेका हुन् । 

बिसं २०१८ साल चैत्र २५ गते कास्कीको लेखनाथस्थित बेगनासमा जन्मिएका अधिकारी सुशील कोइराला नेतृत्वको सरकारमा स्वास्थ्य मन्त्री भएका थिए । 

२०२९ सालमा स्थानिय आनन्द ज्योति माविको स्वबियु सभापतिको रूपमा बिद्यार्थी राजनीति हुदै सक्रिय रहेका अधिकारी राजनितिमा होमिएका थिए ।

अधिकारीले बिद्यार्थी राजनितिमा २०३७ सालमा केन्द्रिय स्वबियु सदस्य, २०४०/४१ मा पृथ्वीनारायण क्याम्पस पोखराको स्वबियु सभापति हुदै अनेरास्ववियु केन्द्रिय कमिटी उपाध्यक्ष सम्मको जिम्मेवारी सम्हालेका थिए ।

विभिन्न राजनितिक घटना क्रममा ५ पटक सम्म जेल जिवन बिताएका उनी एमाले कास्की सचिब हुदै जिल्ला कमिटी अध्यक्ष पनि भएका थिए ।

२०७४ सालमा कास्कीबाट निर्वाचित अधिकारी सुरुमा एमाले संसदीय दलको सचेतक र केही समय प्रमुख सचेतक रहे । तर नेकपा एमाले र माओवादी केन्द्रबीच एकता भएपछि उनको जिम्मेवारी खोसिएको थियो ।