काठमाण्डौ ।  चीनले नेपाललाई तत्काल १० लाख डोज खोप दिने भएको छ ।

चिनियाँ राष्ट्रपति सी चिनपिङले बुधबार दिउँसो यस्तो घोषणा गरेको काठमाडौंस्थित चिनियाँ राजदूत होउ यान्छीले जानकारी दिइन्।

राष्ट्रपति विद्यादेवी भण्डारीले बुधवार कोरोना महामारीसँग नेपाल जुधिरहेको भन्दै खोप उपलब्ध गराउन भारत र चीनका समकक्षलाई लिखित र मौखिक आग्रह गरेकी थिइन् । त्यसक्रममा राष्ट्रपति भण्डारी र चिनियाँ समकक्षी सी जिङपिङबीच करीव पौने एक घण्टा टेलिफोन संवाद भएको थियो ।

संवादमा राष्ट्रपति भण्डारीले कोभिड–१९ विरुद्धको खोप उपलब्ध गराउन चिनियाँ राष्ट्रपतिलाई विशेष आग्रह गरेको थिइन् ।

राष्ट्रपति विद्यादेवी भण्डारीसँग टेलिफोन कुराकानी गरेलगत्तै चिनियाँ राष्ट्रपतिले यस्तो घोषणा गरेका हुन्। चीनले यसअघि नेपाललाई ८ लाख डोज कोरोनाविरूद्धको खोप अनुदान दिएको थियो।

During today’s phone conversation with Nepali President Bidya Devi Bhandari, Chinese President Xi Jinping announced that China will provide 1 million doses of COVID-19 vaccines to Nepal under grant assistance. pic.twitter.com/0d2OWT2mYd

— Ambassador Hou Yanqi (@PRCAmbNepal) May 26, 2021