तनहुँको व्यास नगरपालिका– १० परेवाडाँडा नजिक खहरेमा एक महिला घरभित्रै मृतावस्थामा फेला परेकी छन् । २७ वर्षीया मनुमाया थापा मङ्गलबार आफ्नै घरको कोठामा मृत फेला परेकी हुन् ।

मृतकका श्रीमान् रोजगारीका लागि भारतमा रहेको बताइएको छ । स्थानीयले महिलाको हत्या भएको भन्दै अनुसन्धान गर्न माग गरेका छन् ।

प्रहरीले अनुसन्धानका लागि एक युवकलाई पक्राउ गरेको जिल्ला प्रहरी कार्यालय तनहुँका प्रहरी नायब उपरीक्षक युवराज तिमिल्सिनाले जानकारी दिए । ति महिलाले आत्महत्या गर्न खोज्दा उद्धार गरिएको कुरा पनि सार्वजनिक भएको छ । घटनास्थलमै रहेका एक युवकलाई नियन्त्रणमा लिएको छ । युवकलाई नियन्त्रणमा लिनु अघि आक्रोशित स्थानीयले हातपात गरेका थिए ।

प्रहरीले स्थानीयबाट छुट्याउँदै युवकलाई नियन्त्रणमा लिएको थियो । ‘घटनाबारे अनुसन्धान गरिरहेका छौँ, थप विवरण अनुसन्धानपछि आउँछ,’ तिमिल्सिनाले भने ।

तस्वीरः दमौली न्यूज