अहिले भारतमा कोरोना संक्रमण र यसबाट हुने मृत्युदर निकै उच्च रहेको देखिन्छ । त्यसको प्रभाव नेपालमा पनि परेको छ । खुला सीमानाकामा हुने निर्वाध आवतजावतले पनि सीमा क्षेत्रमा संक्रमणको जोखिम बढीरहेको छ । अहिले उपत्यका लगायत बढी जनघनत्व भएका क्षेत्रमा पनि संक्रमणको दर उच्च छ ।

भारत भने कोरोना संक्रमण निको भएका विरामीहरुमा अर्को समस्या देखिन थालेको छ । भारतीय सञ्चार माध्यमहरुका अनुसार निको भएका बिरामीमा ‘ब्ल्याक फंगस’ देखिएको हो। कोरोना संक्रमण सँगसँगै गुजरातमा यो समस्या बढिरहेको छ ।

गुजरातको सुरतमा म्युकोरमाइकोसिस (ब्ल्याक फंगस) का कारण ८ संक्रमितको आँखाको ज्योति गुमेको छ।पछिल्लो १५ दिनमा सुरतमा म्युकोरमाइकोसिसको समस्या ४० जनामा देखिएको छ। तीमध्ये ८ जनाको आँखाको रोशनी गुमेको भारतीय सञ्चारमाध्यमले जनाएका छन् ।

यो संक्रमण कोरानाकै कारण फैलिरहेको र यसको उपचार सम्भव रहेको बताइएको छ।