गण्डक न्युज पोखरा, १९ चैत / पोखरा लेखनाथ महानगरपालिका वडा नं. ५ मालेपाटन स्थित सशस्त्र प्रहरीको पेट्रोल पम्प ‘कालिका फ्युल स्टेशन’ मा रोकिराखेको ट्रक एक्कासी ब्याक हुँदा चार सवारीमा क्षति पुगेको छ ।

बेलुकी साढे ५ बजेतिर पेट्रोलका लागि लाइनमा रहेकाबेला नजिकै पार्किङ गरिएको ग १ ख ७९२७ नम्बरको ट्रक एक्कासी गुडेको हो । पेट्रोल हाल्न लाइनमै रहेका सवारीहरु समेत भाग्न पाएनन् र ट्रक मुनी किचिए ।

ट्रक आफूहरुतिर आउन लागेपछि भाग्दा सामान्य चोट लागेको पोखरा वडा नंं ४ सदस्य सुवर्णजंग केसीले जानकारी दिएका छन् । ट्रकले किचेर ग६प ३३६६ नम्बरको मोटरसाईकल, ध१प ४१६६ नम्बरको मोटरसाईकल र दुई वटा डिओ स्कुटरमा क्षति पुगेको छ । ग६प ३३६६ नम्बरको मोटरसाइकलमा केसी सवार थिए । उनले हामफालेर ज्यान बचाएको बताएका छन् ।

तत्काल भागेकाले मानवीय क्षति हुन नपाएको प्रत्यक्षदर्शी प्रेम गिरीले बताए ।

https://www.facebook.com/subarna.subarnajungkc/videos/1677055695720607/

.

.

.

Pic. Subarna Jung Kc, Prem Giri