पोखरा – सोमबार कास्कीका २३ सहित गण्डकीमा थप २६ जनामा कोरोना पुष्टि भएको छ ।

आज कास्कीका १४७ जनाको परीक्षण गर्दा २३ जनाको रिपोर्ट कोरोना पोजेटिभ आएको प्रदेश स्वास्थ्य निर्देशनालयले जनाएको छ ।

आज पुष्टि हुने संक्रमितमा कास्कीको माछापुछ्रे गाउँपालिका वडा नं -४ लाहाचोकका २ जना छन् भने, अन्य सबै पोखरा महानगरपालिकाका विभिन्न वडाका महिला पुरुष हुन् ।

यस्तै नवलपुरमा १५ जनाको परीक्षणमा ३ जनामा कोरोना पुष्टि भएको छ । संक्रमितहरु गैंडाकोट नगरपालिका, देवचुली नगरपालिका र कावासोती नगरपालिकाका छन् ।

आज पुष्टि भएका २६ संगै गण्डकीमा कोरोना संक्रमितको कूल संख्या १६ हजार ९ सय ३३ पुगेको छ, जसमा ४१९ सक्रिय संक्रमित छन् ।

पछिल्लो २४ घण्टामा गण्डकीबाट ३३ जना कोरोनामुक्त भएका छन् । यो संगै, प्रदेशमा कोरोनामुक्त हुनेको संख्या १६ हजार ३ सय ७ पुगेको छ ।

यस्तै कोरोना संक्रमणकै कारण गण्डकीमा आज थप २ जनाको मृत्यु पुष्टि भएको छ । आज मृत्यु पुष्टि भएका संगै कोरोना संक्रमणका कारण गण्डकीमा ज्यान गुमाउनेको संख्या २०७ पुगेको निर्देशनालयले जनाएको छ ।