पोखरा – केही समय कोरोना संक्रमणको दर स्थिर रहेको गण्डकीमा शुक्रबार एकैपटक ठूलो संख्यामा संक्रमित फेला परेका छन् ।

प्रदेश स्वास्थ्य निर्देशनालयद्वारा जारी विज्ञप्ति अनुसार आज गण्डकी तीन जिल्ला कास्की, बाग्लुङ र स्याङ्गजाका जम्मा २३० जनाको परीक्षणमा कास्कीको पोखरा महानगरका ४७ सहित बाग्लुङ जिल्लाका २ जना गरी थप ४९ जनाको परीक्षण रिपोर्ट कोरोना पोजेटिभ आएको छ । यो संगै, कास्कीमा मात्र कोरोना संक्रमितको संख्या ८०६८ पुगेको छ ।

आज पुष्टि भएका संगै गण्डकीमा कोरोना संक्रमितको कूल संख्या १६ हजार ३ सय १० पुगेको छ । जसमा सक्रिय संक्रमितको संख्या पनि बढेर १८० पुगेको छ ।

पछिल्लो २४ घण्टामा गण्डकीबाट २२ जना कोरोनामुक्त भएका छन् । यो संगै, प्रदेशमा कोरोनामुक्त हुनेको संख्या १५ हजार ९ सय २५ पुगेको छ भने, संक्रमणकै कारण गण्डकीमा ज्यान गुमाउनेको संख्या २०५ पुगेको निर्देशनालयले जनाएको छ  ।