विश्वभर कोरोना संक्रमितको संख्या १२ करोड नाघेको छ । पछिल्लो २४ घण्टामा ४ लाख ३४ हजार ८ सय ८ जनामा संक्रमण पुष्टि भएको छ । योसँगै विश्वभर संक्रमितको संख्या १२ करोड ३५ हजार ५ सय ९० पुगेको छ ।

होम तथा संस्थागत आइसोलसनमा रहने सक्रिय संक्रिमतको संख्या २ करोड ८ लाख ३ हजार ६ सय ८९ छ । यसमध्ये ८९ हजार २ सय ७१ जनाको अवस्था गम्भीर रहेको वर्ल्डोमिटर्सले जनाएको छ ।

पछिल्लो २४ घण्टामा ७ हजार ८ सय ५६ जनाको मृत्यु भएको छ । योसँगै विश्वभर कोरोनाले मृत्यु हुनेको संख्या २६ लाख ५८ हजार ८ सय ८७ पुगेको छ ।

कोरोनाले विश्वमा सबैभन्दा बढी संयुक्त राज्य अमेरिका प्रभावित भएको छ । हालसम्म अमेरिकामा पाँच लाख ४६ हजार ५ सय ६७ जनाको मृत्यु भएको छ ।

यसैगरी ब्राजिलमा २ लाख ७७ हजार २ सय १६ जना, भारतमा १ लाख ५८ हजार ६ सय ४२ जना, रूसमा ९१ हजार ६ सय ९५ जना, बेलायतमा १ लाख २५ हजार ४ सय ६४ जना, फ्रान्समा ९० हजार ३ सय १५ जना, इटालीमा १ लाख १ हजार ८ सय ८१ जनाको मृत्यु भएको छ । यो समाचार तयार पार्दासम्म विश्वभर ९ करोड ६५ लाख ७३ हजारभन्दा धेरै व्यक्तिले कोरोना भाइरसको संक्रमण जितेका छन् ।

पछिल्लो २४ घण्टामा ३ लाख ८ हजार ६ सय ३६ जना संक्रमणमुक्त भएका छन् ।