बलात्कारपछि हत्या गरिएकी बैतडीको दोगडाकेदार गाउँपालिका– ७ चडेपानीकी १७ वर्षीया भागरथी भट्टको हत्यामा संलग्न रहेका भनिएका अभियुक्त किशोरले बयान फेरेका छन्।
बुधबार सरकारी वकिल कार्यालयमा लिइएको बयानमा अभियुक्त किशोरले बलात्कारपछि हत्या गरेको स्वीकारेका उनका बुुवाले जानकारी दिए। बुधबार सार्वजनिक गरिएका किशोरले यसअघि आफूले हत्या मात्रै गरेको बताउँदै आएका थिए। तर आज किशोरका बुबा, प्रहरी अनुसन्धान अधिकृत, सरकारी वकिलसहित रहेको टोलीले संयुक्तरुपमा लिएको बयानमा बलात्कारपछि हत्या गरेको स्वीकारेका हुन्।
‘प्रहरीले प्रारम्भिक अनुसन्धानमै किशोरीको बलात्कार गरि हत्या भएको पाइएको थियो’, डिआइजी उत्तम सुवेदीले भने, ‘आज उनले सरकारी वकिलसँगको बयानमै बलात्कार गरेको स्वीकारेका छन्।’ डिआइजी सुवेदीका अनुसार पुरानो पारिवारिक विवादका कारण आफूमा बदलाको भावना रहेकाले भागरथीको बलात्कारपछि हत्या गरेको उनले बयान दिएका छन्।
यस्तै आजै बयानका क्रममा किशोरले घटनास्थलमै भागरथीको घडी पनि रहेको बताएका थिए। किशोरले भनेकै आधारमा प्रहरीले घटनास्थलमा खोज्दै जाँदा घडी पनि फेला पारेको थियो। किशोर बुबाले भने, ‘पुरानो घरायसी रिसिइबी र विद्यालयको हाफ टाइममा जिस्क्याएको भनेर भनेको छ।’
लवलेक जङ्गलमा पुगेपछि पहिला सडकबाट धकेलेर भीरमा लडाएको त्यसपछि बेहोस अवस्थामा बलात्कार गरेको र पछि घाँटी निमोठेर हत्या गरेकोसमेत किशोरले बयान दिएका छन्।
गत माघ २१ गते विद्यालयबाट घर फर्किएकी भागरथी साँझ घर नफर्केपछि खोजतलास गर्दै जाँदा माघ २२ गते स्थानीय लबलेक जंगलमा विभत्स र निर्वस्त्र अवस्थामा फेला परेकी थिइन्। त्यसपछि प्रहरीले विभिन्न कोणबाट अनुसन्धान सुरु गरेको थियो।
बुधबार नै मृतक भागरथीका दाजु शङ्कर भट्टले अभियुक्त किशोरविरुद्ध कर्तव्य ज्यान र बलात्कारसम्बन्धी कसुरमा कारवाहीका लागि जाहेरी दर्ता गरेकाले जिल्ला अदालतबाट पाँच दिन म्याद थप गरी अनुसन्धान गर्न बैतडी प्रहरीलाई अनुमति दिइएको छ।
तर भागरथीका आफन्तले छोरीको हत्यामा उनी मात्रै संलग्न रहेको कुरा पत्याउन नसकिने भन्दै अझैसम्म पनि शव बुझ्न मानेका छैनन्।
सम्बन्धित खबर
रविलाई पक्रन प्रहरी रास्वपा कार्यालयमा, स्थलमार्गबाट कास्की ल्याउने तयारी
पक्राउ पुर्जी जारीपछि रविले स्टाटसमा भने – अब सहकारी पीडितको आवाजको नेतृत्व हामी गर्छौं
रवि लामिछानेविरुद्ध पक्राउ पुर्जी जारी
प्रतिपक्षी दलको बैठक: रवि लामिछानेलाई पक्राउ गर्न खोजे प्रतिवाद गर्ने
रविलाई पक्राउ गर्न लागिएको चर्चाले रास्वपाभित्र तरङ्ग, प्रतिपक्षी दलको बैठक बस्यो
आज र भोलि देशैभर भिटामिन र जुकाको औषधि खुवाइँदै
यो पनि पढौँ
टीकाको अघिल्लो दिन जब छोराको शव आयो …
पोखराको हेम्जामा यात्रु चढाइरहेको बसलाई टिप्परले ठक्कर दियो
दुई साताअघिकाे संकटमा सयौँलाई जोगाएका सशस्त्र प्रहरी निरीक्षक बडुवाल आफै अस्ताए
छोरा जन्मिएको ४८ घण्टा नबित्दै शिशुसँगै अस्ताए परिवारका ४ जना