पोखरा / पोखरा ६ जरेबरका सञ्जय पौडेल एमबीबीएसको अध्ययन सकेर नेपाल फर्कने क्रममा थिए । सोमबार त्रिभुवन अन्तर्राष्ट्रिय विमानस्थलमा यूएस बंगला एयरको विमान दुर्घटना हुँदा उनी र उनका आफ्न्तका सपनाहरु पनि टुटे । सानै देखि साथी भाई र घरवरपर छरछिमेकी संग घुलमिल हुने स्वभावका सञ्जयको मृत्युले अहिले गाउँ नै शोकमा परेको छ ।
एमबीबीएसको अध्ययन सकेर लामो बिदामा दाजु घर आउने भएपछि सञ्जयकी बहिनी अञ्जली पोखराबाट दाईलाई स्वागत गर्न काठमाण्डौको त्रिभुवन विमानस्थलमा पुगेकी थिइन् । यसै गरि भाई अध्ययन सकेर नेपाल फर्कने भएपछि जापानमा रहेका सञ्जकी दिदी सजनी र भिनाजु पनि नेपाल फर्कदै थिए । उनीसगँ काठमाडौबाट पोखरा आउने कार्यक्रम रहेको थियो । आमा अन्नपूर्णलाई अहिलेसम्म छोराको मृत्युको बारेमा घर परिवार र आफन्तले जानकारी दिएका छैनन् । काठमाडौ पुगेका बाबुको मंगलबार मात्रै होस्मा आएको परिवारका सदस्यले बताए ।
‘एक दिन अघि भाई नेपाल आउने टिकट थियो, अघिल्लो दिनको टिकट रद्ध भए पछि भोली पल्ट आएका हुन् ।’ यस्तो घटना भयो सञ्जयका ठुली आमाका छोरा सुकदेव बरालले सुनाए । ‘भाई सँग अन्तिम पटक नयाँ बर्षमा शुभकामना दिएको थिए । उसले एमबीबीएसको पढाई चलेको र तीन महिना पछि नेपाल आउने भनेपछि डिष्टब नगरौ भनेर सम्पर्क गरेका थिइन । अहिले यस्तो दुःखद समाचार सुन्दा पत्याउनै सकीरहेको छैन’ उनले भने ।
बंगलादेशबाट आएको दाजु चढेको विमान दुर्घटनामा परेको थाहापाएपछि अहिले सञ्जयकी बहिनी र दिदी मात्र होइन गाउँ नै शोकमा छ । कास्कीको माछापुच्र्छे गाउँपालिका ६ धिताल घर भई पोखराको जरेवरमा बस्दै आएका दामोदर पौडेलका सञ्जय एक्ला छोरा हुन् । उनका दुई छोरी पनि छन् ।
पोखराको मदरल्याण्ड माविबाट एसएलसी पास गरेका सञ्जलयले सगरमाथा माविमा बिज्ञान बिषयमा २०११ मा प्लसटु पास गरेका थिए । सञ्जय अध्ययनमा सानौ देखि मेधावी रहेको मदरल्याण्ड माविका प्राचार्य त्रिभुवन बरालले बताए । उनले एसएलसी र प्रमाणपत्र तह डिष्टिन्सन ल्याएका थिए ।
उनि सँगै एमबीबीएस अध्ययन सकेर नेपाल फर्किएका १० जना नेपाली बिद्यार्थीको पनि मृत्यु भएको छ । मृतक बिद्यार्थीहरु राजीव रबेया मेडिकल कलेज सिलहटका बिद्यार्थी हुन् । एमबीबीएस अन्तिम वर्षको परीक्षा दिएर रिजल्ट आउनु अघि १३ जना बिद्यार्थी दुई महिनाको घर विदामा नेपाल आएका थिए । दुर्घटनामा मृत्यु ५१ जनाको मृत्यु भएको थियो ।
This will close in 3 seconds
सम्बन्धित खबर
डा. चैतन्य अधिकारीको ‘जुद्ध शमशेरका नाममा’ कविता सङ्ग्रह लोकार्पण
बैंक तथा वित्तीय क्षेत्रको समस्यामा प्रतिफल आउने गरी काम गर्छुः गोकर्ण कार्की
काम गर्न राम्रो टीम चाहिन्छ, त्यो हामीले लिएर आएका छौँः अर्जुन पोखरेल
‘नारामा युवा पटकपटक, नेतृत्वमा युवा यस पटक’ – सौगात थापा
गौथली सामुदायिक विकास केन्द्रको हरितालिका तीज मेला तथा खेलकुद समापन
‘मानिया’ इनर्जी ड्रिंक पिउँदा तामाङ्गले जिते ३२ इन्चको एलइडी टिभी
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग