पोखरा – विश्वका विभिन्न ३० देशका सयौं फोटोग्राफरले भाग लिएको फोटो प्रतियोगितामा पोखराका चर्चित फोटोग्राफर खिम लामिछानेले खिचेको फोटो उत्कृष्ट पाँचमा पर्न सफल भएको छ ।

‘ईउरोरडिस फोटो अवार्ड २०२०’ को उक्त प्रतिस्पर्धामा फोटोग्राफर लामिछानेले आफ्ना छोरा अनिमेष लामिछानेलाई ह्विल चियरमा राखेर विद्यालय लैजाँदै गरेको तस्विर समावेश गरेका छन् । प्रतिस्पर्धामा अष्ट्रेलिया, स्लोभाकिया, अमेरिका र आइसल्याण्डका फोटोग्राफरको सहभागिता रहेको छ ।

यो फोटोग्राफी अवार्ड अमेरिकाका वरिष्ठ फोटोग्राफर तथा फोटो पत्रकार मार्कस व्लिडेलले दुर्लभ रोग लागेर जिवन बिताइरहेका व्यक्तिहरुसँग सम्बन्धित जिवन कथालाई उजागार गर्ने शिर्षकमा फोटो प्रतियोगिता गरेका हुन् । जसको आयोजक ‘इउरोर्डिस अथार्त इरोपियन अर्गानिजेसन फर रेयर डिजिज’ले गरेको हो ।

३१ जनवरी २०२१ मा सुरु भएको यस प्रतियोगितामा ११ फेब्रुअरी २०२१ मा पहिलो उत्कृस्ट पाँच फोटोलाई छनौट गरिएको छ । अन्तिम नतिजा सामाजिक संजालमा प्राप्त भोटको आधारमा २४ फेब्रुअरी २०२१ का दिन रेयर डिजिज ‘डे’ को अवसर पारेर विजेता घोषणा गरिने छ । 

लामिछानेलाई भोट गर्नका लागि तलको लिंकमा क्लिक गरी दोश्रो पेजमा देखिएको फोटोमा OI Can, Osteogenesis Impefecta Nepal मा सेलेक्ट गरी Submit गरेर भोट दिन सकिनेछ।