सोमबार पोखराका ८५ जनाको स्वाब परीक्षण, २३ जनामा कोरोना पुष्टि

गण्डक न्यूज सोमबार, २६ माघ २०७७

२६ माघ २०७७

पोखरा – सोमबार पोखराका २३ सहित गण्डकीमा थप २५ जनामा कोरोना पुष्टि भएको छ ।

स्वास्थ्य निर्देशनालयद्वारा जारी विज्ञप्ति अनुसार आज गण्डकीका चार जिल्लाका १०३ जनामा गरिएको परीक्षणमा थप २५ जनाको रिपोर्ट कोरोना पोजेटिभ आएको हो ।

आज कास्कीका ८५, तनहुँका ११, लमजुङका ३ र बाग्लुङ जिल्लाका ४ जनाको नमुना स्वाब परीक्षण गरिएकोमा कास्कीको पोखरा महानगरका २३ र तनहुँ जिल्लाका दुई जनामा कोरोना पुष्टि भएको निर्देशनालयले जनाएको छ ।

आज थपिएका संगै गण्डकीमा कोरोना संक्रमितको कूल संख्या १५ हजार ६ सय ९६ पुगेको छ । जसमा ३३९ जना सक्रिय संक्रमित छन् ।

पछिल्लो २४ घन्टामा गण्डकीबाट ३१ जना कोरोनामुक्त भएका छन् । यो संगै, गण्डकीबाट कोरोनामुक्त हुनेको संख्या १५ हजार १ सय ५४ पुगेको छ भने, कोरोना संक्रमणकै कारण गण्डकीमा अहिलेसम्म २०३ जनाले ज्यान गुमाएका छन् ।