पोखरा । सूचनाको हकका लागि राष्ट्रिय संजाल नेपाल, पोखरा महानगरको आयोजनामा मंगलबार पोखरा ८ स्तरिय वडा भेलाले सागर कार्कीको संयोजकत्वमा ९ सदस्यीय वडा संजाल गठन गरेको छ ।

वडा संजालको सहसंयोजकमा विश्वप्रकाश बराल, सदस्य सचिवमा सुनिता लामिछाने र सदस्यहरुमा राजकुमार गिरी, अमित जोशी, सुनिल पोख्रेल, बलराम गिरी, बिनोद भण्डारी र राजु कुँवर सर्वसम्मत चयन भएका छन् ।

भेलाका प्रमुख अतिथि पोखरा ८ का वडा अध्यक्ष रुद्रनाथ बरालले सूचना अभियन्ताहरुलाई जनप्रतिनिधिहरुले आफ्ना विरोधीको रुपमा नलिई सहयोगीको रुपमा लिनु पर्ने बताएका थिए ।

कार्यक्रममा वडा सचिव सविता ढुंगानाले आफुले सूचनाको हकको बारेमा चासो दिने गरेकोले सूचना माग्न आउने कुनै पनि नागरिकलाई छिटोभन्दा छिटो उपलब्ध गराउने गरेको अनुभव बताएकी थिईन् ।

संजाल गठनको लागि महानगर संजालका मिडिया संयोजक कृष्ण बहादुर रानाभाटले सहजीकरण गरेका थिए भने सहसंयोजक कुलमाया क्षेत्रीले स्वागत मन्तव्य राखेकी थिइन् ।

पोखरा महानगर संजालका संयोजक कृष्ण क्षत्रीको अध्यक्षतामा भएको कार्यक्रमको सदस्य सचिव रेशम खड्काले संचालन गरेका थिए ।