पोखरा । शनिबार राति ग २ च ७५१५ नम्बरको कार पोखरा ८ सिर्जनाचोकको आइल्याण्डमा ठोक्किएर दुर्घटना भयो । कारको अगाडिको भाग क्षतिग्रस्त छ भने चालक तथा अन्यलाई केही भएन । आईल्याण्ड भत्किएको छ ।
लेकसाइड स्थित एक गेष्ट हाउसका सञ्चालक कृस नेपालीले चलाएको कार दुर्घटनामा परेको उनलाई चिन्नेजान्नेहरुले बताएका छन् । साथीभाइहरुसँग रमाइलो गरेर फर्केका कारण दुर्घटनामा परेको प्रत्यक्षदर्शीले जनाएका छन् । तर, दुर्घटनाको कारण योसँगै अर्को पनि छ । अहिले सिर्जनाचोकमा आकाशेपुल निर्माणको काम रोकिएको छ । पुलका लागि पोल बीच भागबाटै गाडिएको छ र सो ठाउँ आइल्याण्ड भाग हो । निर्माण कार्य पूरा नभएकाले आइल्याण्ड बनाइएको वाल र सडकको रङ एकै छ । सो कारण पनि रातको समयमा ठम्याउन गाह्रो हुने चालकहरु बताउँछन् ।
पोखराका मूख्य चोकहरुमा आकाशेपुल बनाउने लक्ष्यअनुरुप पहिलो काम सिर्जनाचोकमा भएको हो । पोखरा महानगरपालिका र निर्माण कम्पनी बीचको सम्झौता अनुसार साउनमै पुल बनिसक्नुपर्ने थियो । लकडाउनसँगै विद्युतीय पोलतारको व्यवस्थापन नहुँदा समयमै काम भएन । सो एरियामा भएको बिजुलीका तार र पोल नहटाएकै कारण निर्माण कम्पनी केएमजेबी एनएसले काम गर्न नपाएको गुनासो गरेको छ । त्यसैले, पुल निर्माण कार्य ढिलो हुनुको कारण पोखरा महानगर हो ।
सडक बीचमा र ३ दिशामा गरेर ४ ठाउँमा पिल्लर ठड्याइएको छ । ती पिल्लर ३ महिना पहिल्यै उठाइएको हो । मेट्रोसिटी हस्पिटल अघिको कर्नरमा पोल उठाइएको छैन ।
पोखरा महानगरपालिकाको २ करोड ३० लाख लागतमा बन्ने आकाशे पुलको गत वर्ष २७ मंसिरमा नै गण्डकी प्रदेशका मुख्यमन्त्री पृथ्वीसुब्बा गुरुङले शिलान्यास गरेका थिए । यस पुल दिवंगत सांसद रबिन्द्र अधिकारीको पनि योजना थियो । स्व. अधिकारीले पूर्वाधार विकास कार्यक्रममार्फत् ५० लाख रुपैयाँ विनियोजन गरेका थिए ।
तस्वीरः शिवराज बस्ताकोटी र अनुप ढेवाजु
सम्बन्धित खबर
फेवातालको बीच भागमा अलपत्र परेका दुुई जनाको उद्धार
पोखराको हेम्जामा यात्रु चढाइरहेको बसलाई टिप्परले ठक्कर दियो
पोखराको होटलमा जुवा खेलिरहेका ६ जना पक्राउ
गण्डकी प्रदेशमा पनि ६९ औं प्रहरी दिवस मनाइयो
पोखरामा विद्युतीय तार भूमिगत गर्ने कामले गति लिन सकेन
डेंगु लाग्दैमा नआत्तिन चिकित्सकको सुझाव
यो पनि पढौँ
टीकाको अघिल्लो दिन जब छोराको शव आयो …
पोखराको हेम्जामा यात्रु चढाइरहेको बसलाई टिप्परले ठक्कर दियो
दुई साताअघिकाे संकटमा सयौँलाई जोगाएका सशस्त्र प्रहरी निरीक्षक बडुवाल आफै अस्ताए
छोरा जन्मिएको ४८ घण्टा नबित्दै शिशुसँगै अस्ताए परिवारका ४ जना