पोखरा – मंगलबार पोखराका ७४ सहित गण्डकीमा थप १०१ जनामा कोरोना पुष्टि भएको छ ।

आज गण्डकी प्रदेशका ४३५ परीक्षण मध्ये थप १०१ जनाको रिपोर्ट कोरोना पोजेटिभ आएको हो । आज पुष्टि भएका संक्रमित गण्डकी प्रदेशका ४ जिल्लाका छन् । जसअन्तर्गत कास्कीको पोखरा महानगरपालिकाका सबैभन्दा धेरै अर्थात ७४ जना, तनहुँका ६ जना, लमजङका १६ जना र बाग्लुङ जिल्लाका ५ जनाको परीक्षण रिपोर्ट पोजेटिभ आएको प्रदेश स्वास्थ्य निर्देशनालयले जनाएको छ ।

आज पुष्टि भएका संक्रमित संगै गण्डकीमा कोरोना संक्रमितको कूल संख्या १३ हजार ५ सय २२ पुगेको छ ।जसमा सक्रिय संक्रमित १ हजार ६ सय १० छन् ।

यस्तै पछिल्लो २४ घन्टामा गण्डकीबाट थप ५२ जना कोरोनामुक्त भएका छन् । यो संगै प्रदेशमा कोरोना संक्रमणबाट मुक्त हुनेको संख्या ११ हजार ७ सय २८ पुगेको छ ।

पछिल्लो ७२ घन्टामा कोरोनाबाट मृत्यु हुनेको संख्या छैन । हालसम्म कोरोना संक्रमणबाट मृत्यु हुनेको संख्या १८४ नै रहेको निर्देशनालयले जानकारी दिएको छ ।