काठमाडौं । नेपाल कम्युनिष्ट पार्टी (नेकपा)को सचिवालय बैठक बालुवाटारमै सरेको छ । दिउँसो १ बजे पार्टी कार्यालय धुम्बाराही बस्ने तय भएको बैठक बालुवाटारमा सरेको छ । १३ गतेको बैठकपछि प्रवक्ता नारायणकाजी श्रेष्ठले सचिवालयको ७० औँ बैठक धुम्बाराहीमा बस्ने बताएका थिए।
महासचिव विष्णु पौडेलमार्फत प्रधानमन्त्रीसमेत रहेका अध्यक्ष केपी शर्मा ओलीले धुम्बाराहीमा बैठक बस्न नसक्ने सन्देश कार्यकारी अध्यक्ष पुष्पकमल दाहाल ‘प्रचण्ड’को पुर्याएका थिए । तर, प्रचण्डले सबैको सहमतिमा बैठक बस्ने तय भएकाले ठाउँ फेर्न नहुने अडान लिएका थिए ।
त्यसपछि ओलीले धुम्बाराहीमा सुरक्षा खतरा रहेको भन्दै महासचिव पौडेलमार्फत फेरि बैठक सार्नका लागि प्रस्ताव गरेका थिए । गृहमन्त्री रामबहादुर थापा ‘बादल’ले पनि सुरक्षा थ्रेट आएको बताएपछि प्रचण्डले बालुवाटारमा बैठक बस्न सहमति जनाएको स्रोतको भनार्इ छ ।
एक सचिवालय सदस्यले भने, ‘आफ्नै पार्टी बैठकको सुरक्षा समेत दिन नसक्ने कुराले सरकारको हैसियतमा प्रश्न उठेको छ । राजधानी काठमाडौंमै सरकारले केही व्यक्तिको पनि सुरक्षा दिन नसक्ने कुराले सरकार पूर्णरुपमा असफल भएको सन्देश गएको छ । यो राम्रो भएन ।’
आजको सचिवालयमा पार्टी अध्यक्ष तथा प्रधानमन्त्री केपी शर्मा ओली र कार्यकारी अध्यक्ष पुष्पकमल दाहाल ‘प्रचण्ड’ले पेस गरेका प्रस्तावमाथि छलफल हुने कार्यसूची छ। कात्तिक २८ को सचिवालयमा पेस गरिएको प्रस्तावमा प्रचण्डले ओलीलाई विभिन्न आरोप लगाएका थिए। ती आरोपको खण्डन गर्दै ओलीले गत शनिवार ३८ पृष्ठको प्रस्ताव सचिवालयमा पेस गरे। ओलीले प्रस्तावमा उल्लेख गरेको आरोपको फेरि आज प्रचण्डले जवाफ दिने बताइएको छ।
सम्बन्धित खबर
संविधान संशोधनमा कांग्रेस-एमाले गम्भीर बने हामी पनि भाग्दैनौँ : प्रचण्ड [अन्तर्वार्ता]
कांग्रेस एमाले सरकारको साझा सङ्कल्प [पूर्णपाठ]
पोखराका अरुण गिरी राप्रपा केन्द्रीय सदस्य मनाेनित
प्रदेश संरचना हटाउने स्थिति छैन : देउवा
रविले सहकारी प्रकरणमा ‘क्लिन चिट’ पाएको रास्वपाको दाबी, कांग्रेसले भन्योः हास्यास्पद !
बालेन लक्षित माधव नेपालको टिप्पणीः ‘एउटा पालिकाले जित्दा त हैरान छ, प्रत्यक्ष निर्वाचित हुँदैन
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग