पोखरा सिम्पानीका पहारीको ज्यान गयो
गण्डक न्युज पोखरा, १६ फागुन / पोखराको जिरोकिलोमिटरदेखि बिन्दवासिनीसम्म चार लेनको सडक बनिसक्यो । यस क्षेत्रमै सबैभन्दा आकर्षक फराकिलो उक्त सडकखण्डमा सडक मात्र बन्यो तर बीचमा पर्ने फिर्के पुल भने उस्तै छ । त्यहाँ एकैपटक दोहोरो सवारी चल्न पनि साँघुरो छ ।
बाटो फराकिलो देखेर तीब्र गतिमा गुड्ने सवारीहरु पुल आउने बित्तिकै बीच लेनतर्फ जानुपर्ने हुन्छ तर फराकिलो सडकमा तीब्र गतिमा गुडेका सवारी नियन्त्रण गुमाउँछन् अनि खोलामा खस्छन् । लगातार दुर्घटना भईरहेको छ ।
मंगलबार मात्रै एक जनाको ज्यान गयो । मंगलबार राती साढे ११ बजे ग ११ प ६१२३ नम्बरको मोटरसाइकल पुलमा ठक्कर खाँदा चालक पोखरा १ सिम्पानी बस्ने २९ वर्षिय ऋषिकेश पहारीको मुत्यु भएको हो । घाइते पहारीको उपचारका लागि फिस्टेल अस्पताल लगिएकोमा डाक्टरले मृत घोषणा गरेको प्रहरीले जनाएको छ ।
मोटरसाइकको पछाडी बसेका पोखरा २५ हेम्जाका २८ बर्षिय बिमल थापा घाइते छन् । उनलको हात, खुट्टा र शरिरमा चोट लागेको र अवस्था गम्भिर रहेको बताईन्छ ।
यस्तै, गत पुस १० गते राति पनि सोही पुलमा दुर्घटना हुदाँ तिलक बहादुर थापाको ज्यान गएको कास्कीका प्रहरी प्रवक्ता खड्क बहादुर खत्रीले जानकारी दिए । थापाले चलाएको बा ३९ प ३०१२ नम्बरको बाइक दुर्घटना हुँदा घाईते भई उपचारको क्रममा मृत्यु भएको उनले बताए । उनले पछिल्लो तीन महिनामा यो क्षेत्रमा ४० भन्दा बढि साना ठुला दुर्घटना भएको बताए ।
यसअघि, फिर्केको पुलमा कार्तिक १९ गते मोटरसाइकल दुर्घटना भयो । ग ५ प ४८२० नम्बरको मोटरसाइकल अनियन्त्रित भई पुलमा दुर्घटना हुँदा पोखरा लेखनाथ महानगरपालिका २४ कास्कीकोटका ३२ बर्षिय कृष्ण प्रसाद सुबेदी गम्भिर घाईते भए । उनलाई उपचार गर्न काठमाण्डौ नै लैजानुपरेको थियो । उनको टाउकोमा गम्भिर चोट लाग्यो । खानेपानीको पाईप नै फुटेको थियो ।
ठ्याक्कै एक महिनापछि मंसिर १९ गते सोहि स्थानमा मोटरसाईकल दुर्घटना भयो । ग ६ प ३५१९ नम्बरको पल्सर मोटरसाईकल बेलुकी सिधै खोलामा खस्यो । मोटरसाईकल कामै नलाग्ने गरी क्षतविक्षत भयो । चालकलाई सहारा हस्पिटल लगिएकोमा त्यसपछि सम्पर्कमा आएनन् ।
पुल नजिकै घर भएका पत्रकार कञ्चन थापाले कार्तिक १९ र मंसिर १९ मा सचित्र घटनाबारे जानकारी गराईन् । उनले सरोकारवालालाई ध्यानाकर्षण गराउँदै यसअघि पनि जिप खसेको जनाईन् । आफूलाई ट्याग गरिएको पोष्टमा पोखरा ५ वडाअध्यक्ष धनबहादुर नेपालीले पहिलो कमेन्ट नै गरेर तत्काल समस्या समाधानमा जुट्ने लेखेका छन् । तर खै त ? पोखरा लेखनाथ महानगरपालिका किन बेखबर छ ?
पोखरा जेसिजका पूर्व अध्यक्ष नारायण शर्माले सडक बत्तीमै जोड दिएका छन् । दीपक प्रसाद कोईरालाले ओभर स्पिडका कारण यस्तो घटना भएको टिप्पणी गरेका छन् । शिक्षिका गौरी तमु, पत्रकार शिव दाइ, आस्था न्यौपाने, रामचन्द्र लामिछाने लगायतले तुरुन्त ध्यानाकर्षण होस् भनी कमेन्ट गरेका छन् ।
पोखरा बाग्लुंग हाईवेमा साँघुरो पुल र राति अँधेरो हुने भएका कारण दुर्घटना हुने गरेको स्थानीयले बताए । उनीहरुले रात्री समयमा सडक बत्तीको माग गरेका छन् ।
This will close in 3 seconds
सम्बन्धित खबर
डा. चैतन्य अधिकारीको ‘जुद्ध शमशेरका नाममा’ कविता सङ्ग्रह लोकार्पण
बैंक तथा वित्तीय क्षेत्रको समस्यामा प्रतिफल आउने गरी काम गर्छुः गोकर्ण कार्की
काम गर्न राम्रो टीम चाहिन्छ, त्यो हामीले लिएर आएका छौँः अर्जुन पोखरेल
‘नारामा युवा पटकपटक, नेतृत्वमा युवा यस पटक’ – सौगात थापा
गौथली सामुदायिक विकास केन्द्रको हरितालिका तीज मेला तथा खेलकुद समापन
‘मानिया’ इनर्जी ड्रिंक पिउँदा तामाङ्गले जिते ३२ इन्चको एलइडी टिभी
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग