पोखरा – पछिल्लो २४ घन्टामा गण्डकी प्रदेशमा थप १९७ जनामा कोरोना संक्रमण पुष्टि भएको छ ।

स्वास्थ्य निर्देशनालयद्वारा सोमबार प्रकाशित विज्ञप्ति अनुसार प्रदेशभरका जम्मा ८७४ परीक्षण मध्ये सात जिल्लाका १९७ जनामा कोरोना पुष्टि भएको हो ।

संक्रमितहरु कास्की, तनहुँ, लमजुङ, गोरखा, पर्वत, स्याङ्गजा र नवलपुरका छन् । जस अन्तर्गत कास्कीका १३०, तनहुँका १३, लमजुङका २, गोरखाका ४, पर्वतका ३, स्याङ्गजाका १६ र नवलपुरका २९ जनाको परीक्षण रिपोर्ट पोजेटिभ आएको निर्देशनालयले जनाएको छ । यो संगै, गण्डकीमा कोरोना संक्रमितको कूल संख्या ९ हजार ३ सय ५५ पुगेको छ।

यसैगरी पछिल्लो २४ घन्टामा प्रदेशभरका ८० जना कोरोना संक्रमण मुक्त भएका छन् । यो संगै, प्रदेशमा कोरोना संक्रमणलाई जितेर घर फर्किनेको संख्या ४ हजार ९ सय ४६ पुगेको छ ।

यस्तै पछिल्लो २४ घन्टामा कोरोना संक्रमणकै कारण ४ जनाको मृत्यु भएको छ । यो संगै, प्रदेशमा कोरोना संक्रमणका कारण ज्यान गुमाउनेको संख्या १११ पुगेको छ ।