तनहुँ । तनहुँमा कोरोना संक्रमणबाट थप १ जनाको मृत्यु भएको छ ।

तनहुँको शुक्लागण्डकी-४ का ५० वर्षीय कोरोना संक्रमित पुरुषको सोमबार बिहान ९:१० बजे मृत्यु भएको स्वास्थ्य निर्देशनालय गण्डकीले जनाएको छ ।

पोखरा स्वास्थ्य विज्ञान प्रतिष्ठानमा उपचारका क्रममा उनको मृत्यु भएको निर्देशनालयले जनाएको छ ।

उनमा गत कार्तिक ८ गते कोरोनाको संक्रमण पुष्टि भएको थियो ।

उनमा कोभिड १९ संगै बिलेटरल निमोनिया तथा कार्डियो पल्मोनरी एरेस्ट लगायतका समस्या रहेको पोखरा स्वास्थ्य विज्ञान प्रतिष्ठानबाट प्राप्त प्रतिबेदनमा उल्लेख रहेको निर्देशनालयले जनाएको छ ।

मृतकको शव व्यवस्थापनको तयारी भईरहेको निर्देशनालयले जनाएको छ ।

योसंगै तनहुँमा कोरोना संक्रमणबाट मृत्यु हुनेको संख्या १० जना पुगेको छ ।

आज मात्रै गण्डकी प्रदेशमा २५२ जनामा कोरोना संक्रमण पुष्टि भएको छ ।

त्यस्तै आज मात्रै कोरोना संक्रमणबाट मृत्यु हुनेको संख्या ५ जना पुगेको छ ।

योसंगै गण्डकी प्रदेशमा कोरोनाको संक्रमणबाट मृत्यु हुनेको संख्या ६८ पुगेको छ ।