पछिल्लो २४ घण्टामा २२५३ जनामा कोरोना भाइरस (कोभिड-१९) को संक्रमण पुष्टि भएको छ । देशभरका प्रयोगशालामा १२ हजा ७८४ नमुना परीक्षण गर्दा उनीहरुमा संक्रमण पुष्टि भएको हो ।

उनीहरुमध्ये १५९९ जना काठमाडौं उपत्यकाका छन् । काठमाडौंका १३७३ जना, ललितपुरका १८७ र भक्तपुरका ३९ जनामा संक्रमण पुष्टि भएको छ ।

कोरोना संक्रमित थप ७ जनाको पछिल्लो २४ घन्टाभित्र मृत्यु भएको छ । मृत्यु हुनेमा महिला चारजना र पुरुष तीनजना रहेको स्वास्थ्य तथा जनसंख्या मन्त्रालयले जनाएको छ ।

बाँके जिल्लामा एक पुरुष र एक महिला गरी दुईजनाको मृत्यु भएको छ । काठमाडौं र ललितपुरका एक–एक पुरुषको मृत्यु भएको मन्त्रालयले जनाएको छ ।त्यसैगरी चितवन, मकवानपुर र कञ्चनपुरका एक–एक महिलाको निधन भएको मन्त्रालयका प्रवक्ता डा। जागेश्वर गौतमले बताए ।

योसमेत देशभर हालसम्म संक्रमणबाट मृत्यु  हुनेको संख्या पाँच सय ३५ पुगेको मन्त्रालयले जनाएको छ ।