महानगरीय अपराध महाशाखाको टोलीले आइतबार साढे १० बजे स्वयम्भूस्थित होटल प्लाजाबाट चार जनालाई पक्राउ गरेको हो। प्रहरीले स्वयम्भू एरियामा केही व्यक्तिहरूले पाटे बाघको छाला बिक्री गर्न लागेको भन्ने सुराक पाएको थियो।
त्यही सूचनाको आधारमा महाशाखाको विशेष टोलीले काठमाडौं महानगर १५ स्वयम्भूको होटल प्लाजा कोठा नं. २०८ बाट नौ फिट लामो र दुई फिट २ इन्च चौडाई भएको छाला बरामद गरेको छ।
प्रहरी उपरीक्षक (एसपी) ईश्वर कार्कीका अनुसार उनीहरूले उक्त छाला ६० लाखमा बेच्न ल्याएका थिए। पक्राउ पर्नेमा धादिङ्ग गल्छी गाउँपालिका ५ घर भइ काठमाडौंको गोलढुङ्गा बस्ने ४३ वर्षीय टेकबहादुर तामाङ छन्। उनी पेशाले ज्यामीको काम गर्छन्।
त्यस्तै सोही ठाउँका डुनोट व्यापारी २८ वर्षीय सुजन थिङ, कृषक २७ वर्षीय आशिष तामाङ र मकवानपुर थाहा नगरपालिका ८ का ड्राइभर २४ वर्षीय सानुकान्छा थिङ छन्।
प्रहरीको अनुसन्धानअनुसार उक्त छाला टेकबहादुर तामाङले धादिङका एक स्थानीयबाट ३५ लाखमा किनेर ल्याएको खुलेको छ। सो छाला किन्न अर्का एक स्थानीयको पनि संलग्नता देखिएको प्रहरीले जनाएको छ।
‘उनीहरूले यो छाला अरूलाई प्रलोभनमा पारेर बेच्न खोजेका रहेछन्,’ एसपी कार्कीले भने, ‘बेचेर त्यो पैसा एकआपसमा बाँड्ने अनि दसैं मनाउने सोच बनाएका रहेछन्।’प्रहरीले उनीहरूमाथि थप अनुसन्धान अघि बढाएको छ।
सम्बन्धित खबर
रविलाई पक्रन प्रहरी रास्वपा कार्यालयमा, स्थलमार्गबाट कास्की ल्याउने तयारी
पक्राउ पुर्जी जारीपछि रविले स्टाटसमा भने – अब सहकारी पीडितको आवाजको नेतृत्व हामी गर्छौं
रवि लामिछानेविरुद्ध पक्राउ पुर्जी जारी
प्रतिपक्षी दलको बैठक: रवि लामिछानेलाई पक्राउ गर्न खोजे प्रतिवाद गर्ने
रविलाई पक्राउ गर्न लागिएको चर्चाले रास्वपाभित्र तरङ्ग, प्रतिपक्षी दलको बैठक बस्यो
आज र भोलि देशैभर भिटामिन र जुकाको औषधि खुवाइँदै
यो पनि पढौँ
टीकाको अघिल्लो दिन जब छोराको शव आयो …
पोखराको हेम्जामा यात्रु चढाइरहेको बसलाई टिप्परले ठक्कर दियो
दुई साताअघिकाे संकटमा सयौँलाई जोगाएका सशस्त्र प्रहरी निरीक्षक बडुवाल आफै अस्ताए
छोरा जन्मिएको ४८ घण्टा नबित्दै शिशुसँगै अस्ताए परिवारका ४ जना