आइपिएल क्रिकेटको अर्को रोमाञ्चक खेलमा दिल्ली क्यापिटल्सले कोलकता नाइट राइडर्सलाई १८ रनले पराजित गरेको छ।

जितसँगै चार खेलबाट ६ अंक जोडेको दिल्ली अंक तालिकाको शीर्ष स्थानमा उक्लिएको छ। शारजाहमा भएको खेलमा टस हारेर पहिले ब्याटिङ गरेको दिल्लीले ४ विकेटको क्षतिमा २२८ रन जोड्यो। दिल्लीका लागि कप्तान श्रेयर इयरले ८८ रनको जोडे। उनले ३८ बलमा ७ चौका र ६ छक्का प्रहार गरे।

पृथ्वी शाले ६६ रन जोड्दा शिखर धवनले २६ रन बटुले। रिशव पन्तले १७ बलमा ३८ रन जोड्का थिए। बलिङमा कोलकताका आन्द्रे रसेलले २ विकेट लिए। बरुण चक्रवर्ती र कमलेश नगरकोटीले १-१ विकेट लिन सफल भए।

२२९ रनको विशाल लक्ष्य पछ्याएको कोलकताले २० ओभरमा ८ विकेटको क्षतिमा २१० रन जोड्यो। अर्को रोमाञ्चक खेलमा कोलकताले २ रन कटाए पनि जितका लाग पर्याप्त हुन नसकेको हो। कोलकताका लागि नितिन रानाले ३५ बलमा समान ४(४ चौका र छक्का हिर्काउँदै ५८ रन जोडे। इयान मोर्गानले १८ बलमा १ चौका र ५ छक्का प्रहार गर्दै ४४ रन बटुले।

यस्तै राहुल त्रिपाठीले १६ बलमा ३ चौका र ३ छक्का हिर्काउदा ३६ रनको योगदान दिए। तीन ब्याट्सम्यानले आक्रमक ब्याटिङ गरे पनि लक्ष्य ठूलो हुँदा कोलकताले जित निकाल्न सकेन।

 बलिङमा दिल्लीका एनरिच नोर्ट्जेले ३ विकेट लिए। हर्षल पटेलको नाममा २ विकेट रह्यो। कागिसो रबाडा, मार्कोस स्टोइनिस र अमित मिश्राले १-१ विकेट लिए। आइपिएलमा आइतबार दिउँसो मुम्बई इन्डियन्स र सनराइजर्स हैदरावाद तथा राति किंग्स ११ पञ्जाव र चेन्नंई सुपरकिंग्सबीच खेल हुनेछ।